Новы CEO EPAM расказаў пра ШІ-будучыню кампаніі

У інтэрв’ю парталу Analytics India Magazin Фейеш адзначыў, што ШІ акажа ўплыў больш маштабны, чым воблачныя тэхналогіі, і будзе развівацца хутчэй, чым інтэрнэт. А таксама стане краевугольным каменем новага вітка росту EPAM. Ён кажа, што зараз кампанія «перабудоўваецца, каб змагчы скарыстацца гэтай хваляй».

Фейеш падкрэслівае, што базавыя прынцыпы EPAM — якасць, кліентаарыентаванасць і адкрытасць — застануцца нязменнымі, нават калі яна будзе адаптавацца да новых тэхналагічных зрухаў.

Гендырэктар лічыць неад’емнымі ўласцівасцямі EPAM прадпрымальнасць, гатоўнасць рызыкаваць і гнуткасць. «Лепшы спосаб праверыць жыццяздольнасць ідэі — гэта паспрабаваць. Паспрабуйце прадаць яе, знайсці першых кліентаў. Калі гэта атрымліваецца, тады можна інвеставаць далей», — патлумачыў ён. А яго інжынерны бэкграунд дазваляе «адрозніваць хайп, разумець, што з гэтага проста маркетынг, а што сапраўды працуе».

Калі мінулае дзесяцігоддзе прайшло пад знакам воблачных тэхналогій, то наступнае вызначыць ШІ. «Мы бачым велізарныя магчымасці ў тым, што кампаніі будуць вымушаны трансфармавацца, каб выжыць і заставацца канкурэнтаздольнымі», — сказаў Фейеш.

EPAM рыхтуецца да гэтай трансфармацыі і стаўку на падыход, калі ШІ не проста выкарыстоўваецца павышэння эфектыўнасці, а адбываецца больш глыбокая перабудова бізнесу за кошт рашэнняў, у аснову якіх закладзены ШІ. Менавіта другое стане мерылам канкурэнтаздольнасці ў найбліжэйшыя гады, лічыць Фейеш.

Пры гэтым Фейеш заклікае не весціся на ілюзіі аб тым, што нейрасеткі заменяць інжынераў. «Існуе міф, што праграмісты хутка стануць не патрэбны — што дастаткова будзе ўвесці промпт, і з’явіцца паўнавартасная карпаратыўная праграма», — адзначыў ён. На самай справе, па яго словах, попыт на распрацоўку ПЗ будзе толькі расці — перш за ўсё на кастомныя рашэнні і мадэрнізацыю старых сістэм.

Ён таксама адзначыў узрастаючае значэнне агентных сістэм, якія дзейнічаюць з большай аўтаноміяй. А таксама расказаў, што EPAM займаецца ШІ-навучаннем супрацоўнікаў і стварае новую пазіцыю — ШІ-інжынера.