Новы генератар відэа пачаў выдаваць ролікі з персанажамі Pixar
Карыстальнікі ўбачылі ў серыі згенераваных ролікаў дзіўна знаёмых персанажаў, якія нагадваюць герояў студыі Pixar. АІ-мадэль магла навучацца на мультфільмах студыі.
АІ-стартап Luma апублікаваў серыю ролікаў, якія былі створаныя з дапамогай новага інструмента Dream Machine. Кампанія апісвае сэрвіс як «высокамаштабаваную і эфектыўную мадэль-трансформер, якая навучаецца непасрэдна на відэа». Аднак карыстальнікі заўважылі, што некаторыя сцэны ў роліках занадта нагадваюць іншыя мультфільмы.
У трэйлеры «Лагер монстраў» расказана пра пухнатых істот, якія апынаюцца ў месцы, падазрона падобным да эстэтыкі мультфільма Pixar «Карпарацыя монстраў». На заднім плане ў сцэне можна нават знайсці Майка Вазоўскі — аднаго з персанажаў карціны, зялёнага аднавокага круглага монстра з рожкамі.
Luma рэкламуе сваю мадэль Dream Machine як будучыню кінавытворчасці, яна дэманструе «высакаякасныя рэалістычныя кадры», якія можна ствараць з дапамогай тэкставых падказак. Стартап не адказаў на запыт, ці вучылася мадэль на матэрыялах студыі Pixar. Кампанія Disney, якая валодае студыяй, таксама пакуль не пракаментавала ролікаў.
Читать на dev.by