Каціроўкі Nvidia падняліся прыкладна на 7% у аўторак пасля трохдзённага падзення, якое каштавала кампаніі $430 млрд рынкавай капіталізацыі, піша Reuters. Паводле даных Bloomberg, гэта найбуйнейшая трохдзённая страта сярод усіх кампаній за ўвесь час.
За тры дні да аўторка акцыі Nvidia патаннелі на 13%, у тым ліку амаль на 7% у панядзелак, што стала найбуйнейшым дзённым падзеннем для чыпмэйкера ад красавіка.
Рынкавая капіталізацыя Nvidia ў выніку ўпала ніжэй за $3 трлн. На піку тыдзень таму яна каштавала $3,3 трлн, цяпер — $3,1 трлн. У спісе самых дарагіх кампаній свету яна займае 3 радок ззаду Microsoft і Apple. Тым не менш ад пачатку года каціроўкі Nvidia выраслі на 140%, а ў індэксе S&P 500 паспяховейшая за яе толькі адная кампанія — Super Micro Computer.
Напярэдадні ажыятажны попыт на акцыі выклікала драбненне ў суадносінах 10 да 1, якое кампанія правяла 10 чэрвеня. 90% аналітыкаў, якіх адсочвае Bloomberg, рэкамендуюць купляць каштоўныя паперы Nvidia — паводле ўсярэдненых прагнозаў, іх чакае 12%-ны рост.
Рэлацыраваліся? Цяпер вы можаце каментаваць без верыфікацыі акаўнта.