Nvidia падаражэла на $330 млрд за дзень — гэта сусветны рэкорд

Рост курса акцый Nvidia адбыўся на фоне чаканняў, што попыт на яе перадавыя працэсары захаваецца на высокім узроўні. Яны ў сваю чаргу ўзмацніліся пасля таго, як Microsoft у сваім фінансавым дакладзе ў аўторак абвясціла пра значны рост выдаткаў на штучны інтэлект.

Папярэдні рэкорд па дзённым прыросце капіталізацыі на Уол-стрыт таксама быў устаноўлены Nvidia ў лютым і быў роўны $277 млрд. Цяпер кампанія каштуе $2,88 трлн і з’яўляецца трэцяй у спісе самых дарагіх кампаній свету пасля Apple і Microsoft.

Пры гэтым яшчэ два дні таму MarketWatch пісаў, што за чэрвень каціроўкі Nvidia ўпалі больш чым на 15%, а месяц стане найгоршым для кампаніі амаль за два гады.