Нябачны таймер і зрэзаныя выплаты: студэнты засталіся без грошай, размяркоўваючы дадзеныя для тэхналагічных гігантаў
Студэнт каледжа Джоэл Томас быў упэўнены, што яму неймаверна пашанцавала, калі платформа Handshake AI запрасіла яго трэніраваць нейрасеткі са стаўкай ад $50 у гадзіну. Ён разлічваў за пару месяцаў зарабіць на цэлы год навучання. Замест гэтага кампанія, паводле яго, недаплаціла яму каля $11 тысяч за сотні гадзінаў працы — з абяцаных на экране $19 тысяч ён атрымаў толькі $8 тысяч, а ягоны акаўнт у выніку заблакавалі.
Студэнт каледжа Джоэл Томас быў упэўнены, што яму неймаверна пашанцавала, калі платформа Handshake AI запрасіла яго трэніраваць нейрасеткі са стаўкай ад $50 у гадзіну. Ён разлічваў за пару месяцаў зарабіць на цэлы год навучання. Замест гэтага кампанія, паводле яго, недаплаціла яму каля $11 тысяч за сотні гадзінаў працы — з абяцаных на экране $19 тысяч ён атрымаў толькі $8 тысяч, а ягоны акаўнт у выніку заблакавалі.
Расследаванне пра масавыя невыплаты ў індустрыі разметкі дадзеных апублікаваў Business Insider. Амаль два дзясяткі дзеючых і былых падрадчыкаў Handshake AI расказалі выданню, што за апошнія паўгода платформа скараціла іх выплаты на агульную суму $64 тысячы. Стартап, чый гадавы валавы прыбытак перавысіў $1 млрд, наймае тысячы студэнтаў для трэніроўкі мадэляў такіх гігантаў, як Meta, Google, OpenAI, Nvidia і Anthropic.
Галоўная прычына канфліктаў крылася ў падвойным уліку працоўнага часу. Сумы ў асабістым кабінеце падрадчыкаў разлічваліся паводле іх уласнага ручнога таймера, аднак перад выплатай Handshake звяраў гэтыя гадзіны са схаваным трэкерам кліента. Правілы разліку аплачваемага часу выканаўцам загадзя не тлумачылі. Акрамя таго, праз авралы і недахоп штатных менеджэраў — на аднаго каардынатара магло прыпадаць да тысячы выканаўцаў — ТЗ для задач нярэдка генераваліся праз Claude або Lovable і ўтрымлівалі супярэчнасці. Калі падрадчык няправільна разумеў заблытаную інструкцыю і задача не праходзіла праверку, яму папросту не плацілі.
У выпадку з Томасам кампанія заявіла, што за адзін з тыдняў жніўня не знайшла ніякіх запісаў пра ягоную працу, хоць у разліковым лісце за той жа перыяд значыліся 428 выкананых ім задачаў з нулявой аплатай. Пазней прадстаўнік кампаніі патлумачыў, што фармулёўка «праца не вялася» азначае «адсутнасць пацверджаных рэв’юерамі задач».
У самой Handshake AI абвінавачванні ў сістэмным падмане адвкінулі і сцвярджаюць, што не аплачваюць толькі «штучна раздзьмуты час» або не прынятыя мадэратарамі заданні. Пасля запытаў ад журналістаў кампанія абвясціла пра запуск празрыстага плацёжнага дашборда і новага таймера для адсочвання працы на старонніх рэсурсах. Сам Томас не выключае, што працягне займацца трэніроўкай ШІ, аднак атрымаць астатак грошай ад Handshake ўжо не спадзяецца.
Релоцировались? Теперь вы можете комментировать без верификации аккаунта.