Сусветная арганізацыя аховы здароўя другі раз за два гады абвясціла распаўсюджванне малпавай воспы «надзвычайнай сітуацыяй». Чым небяспечная воспа малпаў? І ці чакаць новай пандэміі?
Сусветная арганізацыя аховы здароўя другі раз за два гады абвясціла распаўсюджванне малпавай воспы «надзвычайнай сітуацыяй». Чым небяспечная воспа малпаў? І ці чакаць новай пандэміі?
Воспа малпаў (mpox) — гэта віруснае захворванне, вядомае навуцы. Упершыню яно было апісанае ў 1958 годзе, калі вірус быў знойдзены ў лабараторных малпаў, адсюль і яго назва. Аднак воспа малпаў паражае не толькі жывёл, але і людзей, выклікаючы сімптомы, падобныя да натуральнай воспы, але значна менш небяспечныя. Звычайна людзі здаравеюць праз два-чатыры тыдні, смяротныя выпадкі рэдкія.
Асноўныя сімптомы захворвання ўключаюць ліхаманку, моцны галаўны боль, запаленне лімфавузлоў (адное з ключавых адрозненняў ад іншых вірусных інфекцый), болі ў цягліцах і спіне, а таксама агульную слабасць. Праз некалькі дзён пасля з’яўлення ліхаманкі з’яўляюцца скурныя высыпанні, якія могуць распаўсюджвацца на твар, далоні, ступні, слізістыя абалонкі, геніталіі і вочы.
Новая ўспышка малпавай воспы пачалася ў Афрыцы ў верасні 2023 года. На кантыненце былі зафіксаваныя 13,7 тысячы выпадкаў, 456 чалавек памерлі. 15 жніўня ўлады Швецыі паведамілі, што зарэгістравалі выпадак заражэння не тэрыторыі краіны — гэта першы зафіксаваны выпадак захворвання па-за межамі Афрыкі ад пачатку новай успышкі. Як растлумачылі ўлады, хворы заразіўся ў часе паездкі ў афрыканскую краіну.
Пры гэтым у часе папярэдняй успышкі ў 2022 годзе адразу ў некалькіх краінах Еўропы, Амерыкі і ў Аўстраліі былі зафіксаваныя выпадкі заражэння, хоць многія з тых, хто захварэў, не наведвалі натуральных асяродкаў інфекцыі ў Афрыцы. Чаму так адбываецца — дагэтуль незразумела. Вядома, што вірус перадаецца праз цесны кантакт або судотыкам з біялагічнымі вадкасцямі заражанага.
У цэлым вірус mpox менш небяспечны для чалавека, чым каранавірус, які выклікаў пандэмію, да таго ж ён павольней муціруе. Цяпер існуюць лекі і вакцыны, даступныя ў многіх краінах свету. Тэарэтычна вакцыны ад звычайнай воспы таксама могуць абараняць ад воспы малпаў ці хаця б рабіць працяканне захворвання больш лёгкім. Новы штам віруса распаўсюджваецца пераважна палавым шляхам.
Усім знаёмы каранавірус меў у часе пандэміі значна вышэйшую хуткасць перадачы і прыводзіў да сур’ёзнейшых наступстваў для здароўя, асабліва для пажылых людзей і асоб з аслабленым імунітэтам. У выпадку воспы малпаў гэта захворванне даўно вывучанае, таму можна з вялікай доляй верагоднасці сказаць, што новая ўспышка mpox не прывядзе да эпідэміі, параўнальнай па маштабах з каранавірусам.
Заява СААЗ аб надзвычайнай сітуацыі дае ў першую чаргу сігнал прафесійнай супольнасці глыбей вывучаць праблему і шукаць шляхі вырашэння: распрацоўваць прафілактычныя меры, распрацоўваць новыя вакцыны і прагназаваць развіццё эпідэміі.
Уплыў эпідэміі на сусветны рынак і, у прыватнасці, на ІТ-галіну будзе залежаць ад маштабаў яе распаўсюджвання і ўвядзення абмежавальных мер. У выпадку каранавіруса былі парушаныя многія ланцужкі паставак, мацней за ўсё пацярпела вытворчасць працэсараў. Аднак акцыі многіх тэхналагічных кампаній выраслі ў тым ліку праз пераход на аддаленую працу і рост попыту на лічбавыя паслугі і прадукты.
Распаўсюджванне воспы малпаў прывядзе да ўвядзення лакальных каранцінных мер. Але малаверагодна, што маштабы эпідэміі будуць супастаўныя з тым, што свет назіраў у часе кавіду. У 2020 годзе, паводле ацэнак Міжнароднага валютнага фонду, сусветны ВУП скараціўся на 3,5%, а эканоміка магла страціць да $6 трыльёнаў. Паводле даных Міжнароднай арганізацыі працы, працоўныя месцы страціла каля 255 мільёнаў чалавек.
Глабальны IT-рынак у 2020 годзе скараціўся прыкладна на 8% і страціў ад $300 мільярдаў да $700 мільярдаў. Акцыі буйных тэхналагічных кампаній упалі на 20-30% у тым ліку праз узніклую нявызначанасць. Зніжэнне продажаў апаратнага забеспячэння ў свеце дасягнула 15%. Цяперашняя сітуацыя адрозніваецца ад пандэміі каранавіруса тым, што эпідэмія малпавай воспы больш прагназаваная, а яе ўплыў на рынкавыя працэсы мінімальны. Гэта азначае, што падобнага абвалу сусветнай эканомікі, які адбыўся ў 2020 годзе, не здарыцца.
Рэлацыраваліся? Цяпер вы можаце каментаваць без верыфікацыі акаўнта.
Говорят что оспой обезьян болеют только обезьяны и нормальным людям она не страшна :}
Отряд: Приматы
Семейство: Гоминиды
Подсемейство: Гоминины
Горилловые
Гоминини
Шимпанзе
Люди
Не надо лицемерить
Называется болезнь monkey pox
Если будет быстро распротраняться, то моя банда на этом, скорее всего, заработает. Вероятность заработать сильно больше, чем умереть. Джа, храни медтех вцелом и ПЦР-диагностику в частности!
Карыстальнік адрэдагаваў каментарый 19 жніўня 2024, 22:44