Аддзел навін 7 жніўня 2024, 11:33

«Лічыў за лепшае эканоміць». Топы Flo падзяліліся фота першага офіса кампаніі — без акон

Паглядзіце, як ён выглядаў — замест акна на сцяне постар, які вядзе «ў светлую сённяшнюю будучыню». Аджа аднарог дайшоў.

4 каментарыя

Паглядзіце, як ён выглядаў — замест акна на сцяне постар, які вядзе «ў светлую сённяшнюю будучыню». Аджа аднарог дайшоў.

Сузаснавальнік Flo Health і яго першы CTO Андрэй Коўзель падзяліўся ў сябе ў лінкедзіне фота першага офіса кампаніі.

— Flo — аднарог сёння… Мала хто памятае, як усё гэта выглядала, калі мы пачыналі. Замест сапраўдных акон у нас у офісе былі штучныя. Паглядзіце на фатаграфію працоўнага стала нашага генеральнага дырэктара побач з «акном» у светлую сённяшнюю будучыню.

Гэта нагадала мне, што Джэф Безас выкарыстоўваў дзверы ў якасці працоўнага стала ў першыя дні існавання Amazon. Але ў яго хаця б былі сапраўдныя вокны!

Наш шлях быў нялёгкім, але нашая мэта — здзейсніць рэвалюцыю ў жаночым здароўі — прымушала нас ісці наперад. Вялікі дзякуй нашай неверагоднай камандзе, інвестарам, якія падтрымліваюць нас, і лаяльным карыстальнікам. Вы зрабілі гэта магчымым!

Успаміны Коўзеля перапосціў яшчэ адзін сузаснавальнік Зміцер Гурскі з невялікім дадаткам ад сябе:

— У Flo быў вельмі сціплы пачатак. У 2015–2016 гадах я лічыў за лепшае эканоміць на офісе і мэблі; тым не менш кожная капейка, што ў нас была, пайшла на стварэнне лепшага прадукту. Мы верылі ў сваю ідэю — і не надта турбаваліся, што ў нас няма акон.

Нагадаем, што Flo Health днямі прыцягнула $200 млн у раўндзе С, пасля чаго ацэнка кампаніі перавысіла $1 млрд.