Беларуская дэлегацыя з прадстаўнікамі ПВТ пад кіраўніцтвам МЗС наведала Аман. Начальнік сакратарыята Набсавета ПВТ Ганна Рабава выступіла на пасяджэнні сумеснага камітэта краін па супрацы і інвестыцыях. Распавяла пра развіццё беларускай ІТ-галіны і перспектывах супрацы з Аманам па высокіх тэхналогіях.
Беларуская дэлегацыя з прадстаўнікамі ПВТ пад кіраўніцтвам МЗС наведала Аман. Начальнік сакратарыята Набсавета ПВТ Ганна Рабава выступіла на пасяджэнні сумеснага камітэта краін па супрацы і інвестыцыях. Распавяла пра развіццё беларускай ІТ-галіны і перспектывах супрацы з Аманам па высокіх тэхналогіях.
Рабава падкрэсліла, што Беларусь валодае адным з самых дынамічна развіваючыхся ІТ-сектараў у рэгіёне, што пацвярджаецца ўстойлівым ростам экспарту ІТ-паслуг і ўнікальным прававым асяроддзем, якое дае рэзідэнтам ПВТ спрыяльныя ўмовы для вядзення бізнесу. Сказала, што Беларусь хоча паглыбляць супрацу з Аманам, які таксама рухаецца да лічбавай трансфармацыі.
«ПВТ бачыць у Амане надзейнага і перспектыўнага партнёра. Нашы рэзідэнты гатовыя дзяліцца назапашанай экспертызай, прапаноўваць комплексныя лічбавыя прадукты і працаваць над стварэннем рашэнняў, якія будуць адпавядаць самым высокім міжнародным стандартам», — дадала Рабава.
Асобна яна спынілася на развіцці нацыянальнай стартап-экасістэмы:
«Мы актыўна заняліся фармаваннем нацыянальнай стартап-экасістэмы — па сутнасці, вырошчваннем маладых адзінарогаў. Гэта сур’ёзны інтарэс для інвестараў з усяго свету. Аман гэта таксама цэніць і развівае. І мы сапраўды хочам і прэзентаваць нашы кампаніі, і паглядзець, як ствараць новыя высокамаржынальныя гісторыі, у тым ліку з пункту гледжання інвестыцый».
Рабава таксама сустрэлася з кіраўніком Міністэрства транспарту, сувязі і інфармацыйных тэхналогій Амана. Як адзначаецца ў прэс-рэлізе Парка, аманскаму боку вельмі цікавы беларускі досвед развіцця ІТ-адукацыі і падрыхтоўкі кадраў для лічбавай эканомікі. Цікавыя кампетэнцыі і распрацоўкі рэзідэнтаў ПВТ у сферах «разумнага горада» і кібербяспекі. Таксама абмяркоўвалася магчымае супрацоўніцтва і праекты з удзелам рэзідэнтаў Парка.
На другі дзень паездкі праходзіў Беларуска-Аманскі бізнес-форум, дзе прадстаўнікі ПВТ распавядалі «аб драйверах росту беларускага сектара інфармацыйных тэхналогій, яго значэнні для эканомікі краіны», прадставілі магчымасці для ўзаемадзеяння з аманскімі партнёрамі, падзяліліся гісторыямі поспеху рэзідэнтаў і іх «прарыўнымі» распрацоўкамі. Былі паказаныя рашэнні ў сферы лічбавізацыі, электроннага ўрада, інфармацыйнай бяспекі, BIM-праектавання і ШІ.
Форум сабраў больш за 200 аманскіх кампаній, зацікаўленых у супрацы з Беларуссю. Рэзідэнты ПВТ таксама правялі серыю B2B-перамоваў з патэнцыйнымі партнёрамі. У Амане гатовыя разглядаць укараненне прадуктаў рэзідэнтаў ПВТ і распрацоўку заказных рашэнняў з улікам лакальнай спецыфікі. Аманскія партнёры таксама хочуць разгледзець уступленне ў ПВТ «як у юрысдыкцыю з унікальнымі ўмовамі для вядзення лічбавага бізнесу».
Релоцировались? Теперь вы можете комментировать без верификации аккаунта.
Главное чтоб единороги помытыми в стойле стояли, а то Президент будет недоволен скотиной
разве что синезис вырастят
в этой новости прекрасно все, комментировать только портить.
ну теперь еще и единорога взамен ютуба будут делать