Былы прэзідэнт Blizzard Entertainment Майк Ібара заявіў, што часам хоча даць чаявыя распрацоўшчыкам некаторых гульняў пасля завяршэння праходжання.
Былы прэзідэнт Blizzard Entertainment Майк Ібара заявіў, што часам хоча даць чаявыя распрацоўшчыкам некаторых гульняў пасля завяршэння праходжання.
«Я хацеў бы даць гэтым хлопцам дадатковыя $10-20, бо гэта каштуе даражэй за $70, якія я ўжо заплаціў, і яны не спрабавалі развесці мяне на 5-10 цэнтаў кожную секунду», — так апісаў свой геймерскі вопыт Ібара. Да такіх гульняў ён аднёс Baldur’s Gate 3, Elden Ring, Red Dead Redemption 2, Horizon Zero Dawn і іншыя.
«Гэта той варыянт, які мне часам хацелася б мець у канцы гульняў. Некаторыя гульні асаблівыя», — лічыць ён. Былы топ-менеджар захапіўся адзіночнымі гульнямі і адзначыў першую частку The Last Of Us, а таксама заклікаў Naughty Dog выпусціць The Last Of Us Part 2 на ПК.
I’ve thought about this idea for a while, as a player, since I’ve been diving into single player games lately.
— Mike Ybarra (@Qwik) April 11, 2024
When I beat a game, there are some that just leave me in awe of how amazing the experience was. At the end of the game, I’ve often thought «I wish I could give these…
Ібара дадаў, што такая ідэя наўрад ці спадабаецца шматлікім геймерам. На яго думку, опцыя чаявых можа азначаць нешта накшталт станоўчага фідбэку: такая практыка не павінна станавіцца чымсьці абавязковым, як у іншых сферах. Карыстальнікі ў каментарах заўважылі, што дадатковыя грашовыя бонусы павінны выдаваць кіраўнікі, у якіх ёсць на гэта сродкі.
Майк Ібара займаў пасаду прэзідэнта кампаніі Blizzard Entertainment ад жніўня 2021 года да студзеня 2024 года. Ён пакінуў кампанію пасля зліцця з Microsoft на фоне масавых звальненняў. Да працы ў студыі ён быў віцэ-прэзідэнтам Xbox.
Рэлацыраваліся? Цяпер вы можаце каментаваць без верыфікацыі акаўнта.