Кампаніі, якія дапамагаюць OpenAI навучаць ChatGPT, звальняюць супрацоўнікаў за выкарыстанне нейрасетак у працы. Падрадчыкі павінны самастойна ацэньваць адказы мадэлі, аднак некаторыя даручаюць гэтыя задачы ШІ, высветліла выданне 404 Media.
Кампаніі, якія дапамагаюць OpenAI навучаць ChatGPT, звальняюць супрацоўнікаў за выкарыстанне нейрасетак у працы. Падрадчыкі павінны самастойна ацэньваць адказы мадэлі, аднак некаторыя даручаюць гэтыя задачы ШІ, высветліла выданне 404 Media.
Падрадчыкі ўдзельнічаюць у розных праектах OpenAI, у тым ліку ў Project Lily. У межах гэтага праекта людзі чытаюць рэальныя запыты і дыялогі карыстальнікаў ChatGPT, ацэньваюць адказы мадэлі і ўказваюць на недахопы — напрыклад, залішняя ліслівасць або спробы чат-бота прадставіць сябе чалавекам. Паводле аднаго з унутраных дакументаў, у асобных праектах могуць удзельнічаць больш за 10 тысяч выканаўцаў.
Выкарыстоўваць ШІ для такой працы забаронена. У інструкцыях для правяраючых асобна згадваюцца ChatGPT, Grammarly, ШІ-перакладчыкі і сервісы выяўлення згенераванага тэксту, у тым GPTZero. Апошнія кампанія лічыць ненадзейнымі. Замест іх правяраючым рэкамендуюць звяртаць увагу на паўтаральныя фармулёўкі, характэрную пунктуацыю і падазрона высокую хуткасць выканання заданняў.
«Людзі пастаянна выкарыстоўваюць ШІ, ды іх пастаянна за гэта звальняюць. Па сутнасці, гэта адзінае, за што вас могуць неадкладна адхіліць ад праекта», — расказаў адзін з падрадчыкаў. Паводле яго, сярод тысяч работнікаў выявілі мноства парушальнікаў.
Адзін з суразмоўцаў выдання прызнаўся, што сам выкарыстоўваў ШІ і страціў працу. Ён паказаў журналістам ліст пра звальненне: працадавец выявіў праблемы з «сапраўднасцю» выкананых заданняў.
«Я не дрэнны чалавек і не дрэнны працаўнік. Мне проста трэба была невялікая дапамога, і я звярнуўся да ШІ. У выніку гэта прывяло да майго падзення», — сказаў былы падрадчык. Ён дадаў, што праца не прыносіла яму задавальнення і ён не адчуваў, што робіць нешта карыснае для грамадства.
Кампанія Mercor, якая наймае спецыялістаў для працы над мадэлямі OpenAI, пацвердзіла выданню забарону на выкарыстанне вялікіх моўных мадэляў. Яе прадстаўнік заявіў, што падрадчыкаў наймаюць дзеля іх уласных ведаў і меркаванняў, а пры пацвярджэнні парушэння неадкладна адхіляюць ад праекта.
Журналісты таксама пагаварылі з іншым падрадчыкам, які працаваў над мадэлямі розных ШІ-кампаній. Ён расказаў, што часам наўмысна выбіраў горшыя адказы мадэлі або ацэньваў іх выпадковым чынам, каб пагоршыць вынікі навучання. Наколькі прыкметна яго дзеянні паўплывалі на мадэлі, ён не ведае.
Рэлацыраваліся? Цяпер вы можаце каментаваць без верыфікацыі акаўнта.