Даследчыкі з OpenAI і Масачусецкага тэхналагічнага інстытута вывучылі, як людзі ўзаемадзейнічаюць з ChatGPT і іншымі падобнымі інструментамі, і як гэта ўплывае на іх. Пра высновы распавёў Bloomberg.
Даследчыкі з OpenAI і Масачусецкага тэхналагічнага інстытута вывучылі, як людзі ўзаемадзейнічаюць з ChatGPT і іншымі падобнымі інструментамі, і як гэта ўплывае на іх. Пра высновы распавёў Bloomberg.
Высветлілася, што ў людзей, якія часцей карыстаюцца ботамі, абвастраецца пачуццё самоты і падвышаецца эмацыйная залежнасць ад іх. Акрамя таго, яны пачынаюць менш часу прысвячаць стасункам са скуранымі сябрамі. OpenAI мае намер выкарыстоўваць вынікі даследаванняў, каб больш адказна падыходзіць да распрацоўкі ШІ.
У межах аднаго з даследаванняў навукоўцы на працягу месяца апытвалі каля 1 тысячы чалавек. Удзельнікі мелі вялікі досвед узаемадзеяння з ChatGPT. Ім было даручана карыстацца тэкставай або адной з дзвюх галасавых версій бота мінімум 5 хвілін у дзень. Некаторым дазвалялася весці размовы на любыя тэмы, іншыя павінны былі весці асабістыя размовы.
У выніку тыя юзеры, якія схільныя больш эмацыйна прывязвацца ў стасунках з людзьмі і больш давяраюць чат-боту, з большай верагоднасцю адчувалі самоту і рабіліся больш эмацыйна залежнымі ад яго. Таксама адзін з галасоў быў зроблены больш прывабным, але на вынікі гэта не паўплывала.
У межах другога даследавання былі прааналізаваны 3 мільёны карыстальніцкіх дыялогаў з ChatGPT і праведзены апытанні юзераў пра выкарыстанне бота. Высветлілася, што на сентыментальныя тэмы з ім размаўляе вельмі мала людзей.
Релоцировались? Теперь вы можете комментировать без верификации аккаунта.