OpenAI рыхтуе рэліз «думаючага» АІ, які абганяе чалавека
У індустрыі даўно ходзяць чуткі пра новую мадэль OpenAI: раней інсайдары пісалі, што АІ перавысіць здольнасці чалавека. Яго запуск чакаецца на працягу найбліжэйшых двух тыдняў.
Паводле даных Тhe Information, кампанія рыхтуе прэзентацыю новай АІ-мадэлі пад назвай Strawberry ў складзе прадукту ChatGPT. Нейрасетка адрозніваецца ад папярэдніх распрацовак кампаніі тым, што перад адказам праводзіць працэс «разважання», што можа патэнцыйна прывесці да дакладнейшых і рэлевантнейшых адказаў.
«Strawberry» вылучаецца сярод іншых АІ сваім унікальным падыходам да апрацоўкі запытаў карыстальнікаў. У той час як большасць існых АІ-мадэляў імкнецца хутчэй даць адказ, «Strawberry» здольная «абдумваць» свае адказы перад іх выдачай», — заявіла крыніца.
Хоць новая мадэль будзе інтэграваная ў чат-бот, яна застанецца самастойным прадуктам. Дакладны фармат яе працы застаецца незразумелым. Першая версія прадукту будзе абмежаваная ў магчымасцях: яна зможа апрацоўваць і генераваць толькі тэкставую інфармацыю.
Верагодна, Strawberry будзе платным. Мадэль можа мець абмежаванні на колькасць запытаў на гадзіну, а таксама прапаноўваць платныя падпіскі з дадатковымі функцыямі, такімі як хутчэйшая апрацоўка запытаў. Кошт падпіскі можа дасягнуць $2 тысяч.
Читать на dev.by