Аддзел навін 15 лістапада 2023, 11:45

OpenAI перастала выдаваць падпіску ChatGPT Plus

OpenAI часова не афармляе новых падпісак ChatGPT Plus праз ажыятажны попыт і недахоп вылічальных магутнасцяў. Пра гэта паведаміў гендырэктар кампаніі Сэм Альтман.

Пакінуць каментарый

OpenAI перастала выдаваць падпіску ChatGPT Plus

OpenAI часова не афармляе новых падпісак ChatGPT Plus праз ажыятажны попыт і недахоп вылічальных магутнасцяў. Пра гэта паведаміў гендырэктар кампаніі Сэм Альтман.

Паводле яго слоў, пасля першай канферэнцыі OpenAI, якая прайшла на пачатку лістапада, кампанія назірае ўсплёск цікавасці да сваіх распрацовак, і ён перавысіў тэхнічныя магчымасці кампаніі. Каб забяспечыць якасную працу сваіх нейрасетак для карыстальнікаў, вырашана прыпыніць выдачу падпісак.

Падчас канферэнцыі OpenAI паказала нейрасетку GPT-4 Turbo, магутнейшую і таннейшую за GPT-4. Таксама ў карыстальнікаў ChatGPT з’явіцца магчымасць ствараць кастамныя версіі чат-бота пад свае задачы, нават не маючы навыкаў праграмавання.

А пакуль можна пакінуць заяўку на падпіску. Калі іх зноў пачнуць афармляць, OpenAI абяцае паведаміць карыстальнікам праз праграму.