OpenAI запускае платформу Frontier, якая спросціць кампаніям разгортванне ШІ-агентаў — ці, як іх называюць самі распрацоўшчыкі, «ШІ-калег». Гэта частка стратэгіі OpenAI па ўмацаванні пазіцый на рынку аўтаматызацыі працоўных задач.
OpenAI запускае платформу Frontier, якая спросціць кампаніям разгортванне ШІ-агентаў — ці, як іх называюць самі распрацоўшчыкі, «ШІ-калег». Гэта частка стратэгіі OpenAI па ўмацаванні пазіцый на рынку аўтаматызацыі працоўных задач.
Frontier дазваляе арганізацыям ствараць ШІ-агентаў і кіраваць імі з улікам наладжаных абмежаванняў і ўзроўняў доступу да дадзеных. Ідэя ў тым, каб зняць тэхнічныя бар’еры пры запуску такіх рашэнняў і паскорыць іх масавае ўкараненне ў карпаратыўным асяроддзі.
Як піша Bloomberg, буйныя распрацоўнікі ШІ, уключаючы OpenAI і Anthropic, усё больш робяць стаўку на агентаў, здольных выконваць задачы ад імя чалавека з мінімальным яго ўдзелам. На гэтым фоне інвестары ўсё часцей непакояцца аб будучыні традыцыйных пастаўшчыкоў софта, што ўжо прыводзіла да скіду акцый на рынку. Пры гэтым самі ШІ-кампаніі імкнуцца пашыраць базу карпаратыўных кліентаў, каб нарасціць выручку і кампенсаваць велізарныя выдаткі на распрацоўку ўсё больш магутных мадэляў.
«Мы абагульнілі досвед працы з сотнямі буйных кампаній па стварэнні і кіраванні ШІ-агентамі і зрабілі ўвесь гэты працэс значна прасцейшым», — заявіла на брыфінгу Фіджы Сімо, CEO напрамку аплікацый OpenAI.
Frontier дазволіць інтэграваць агенцкія рашэнні не толькі OpenAI, але і некаторых канкурэнтаў, уключаючы Anthropic. Гэта можа ператварыць платформу ў свайго роду ўніверсальны хаб для бізнесу. Раней Anthropic абмяжоўвала доступ канкурэнтаў да сваіх базавых тэхналогій.
У ліку першых кампаній, якія выкарыстоўваюць Frontier, OpenAI называе HP, Intuit, Oracle, State Farm, Thermo Fisher і Uber. Акрамя таго, дзясяткі дзеючых кліентаў, уключаючы Cisco і T-Mobile, ужо пратэставалі Frontier для выканання найбольш складаных і каштоўных задач з выкарыстаннем ШІ.
Релоцировались? Теперь вы можете комментировать без верификации аккаунта.