OpenAI правяла найбуйнейшы прыватны інвестраўнд у гісторыі

Новы раўнд узначаліў японскі холдынг SoftBank, які ўклаў $30 млрд. Сярод іншых удзельнікаў — Microsoft, Coatue, Altimeter і Thrive, якія ўжо раней падтрымлівалі кампанію.

Таксама цяпер OpenAI дзеліць з ByteDance, уладальніцай TikTok, другое месца ў спісе самых дарагіх прыватных стартапаў свету. Па велічыні ацэнкі іх апераджае толькі SpaceX Ілана Маска ($350 млрд).

У публікацыі ў блогу з анонсам OpenAI адзначыла, што новыя інвестыцыі дазволяць ёй пашырыць межы ШІ-даследаванняў, маштабаваць вылічальную інфраструктуру і забяспечваць усё больш магутныя інструменты для 500 млн штотыднёвых карыстальнікаў ChatGPT.

Паводле крыніцы CNBC, каля $18 млрд з прыцягнутых сродкаў будуць накіраваныя на праект Stargate. У яго рамках OpenAI плануе стварыць сетку ЦАДаў на тэрыторыі ЗША.