12 сакавіка 2025, 14:24

OpenAI стварыла ШІ-мадэль для напісання літаратурных тэкстаў

Кампанія анансавала новую ШІ-мадэль, здольную ствараць мастацкія творы, якія не саступаюць працам прафесійных пісьменнікаў.

1 каментарый

OpenAI стварыла ШІ-мадэль для напісання літаратурных тэкстаў

Кампанія анансавала новую ШІ-мадэль, здольную ствараць мастацкія творы, якія не саступаюць працам прафесійных пісьменнікаў.

Раней ШІ не дэманстраваў выбітных здольнасцей у напісанні літаратурных тэкстаў, часта крытыкаваўся за адсутнасць глыбіні і арыгінальнасці. Аднак апошнія распрацоўкі OpenAI могуць змяніць гэтае ўяўленне і наблізіць тэхналогію да стварэння якаснай літаратуры.

У якасці прыкладу Сэм Альтман апублікаваў у X фрагмент апавядання, згенераваны ШІ па запыце: «Калі ласка, напішы літаратурнае апавяданне пра ШІ і гора ў жанры метанарацыі». Вынік уразіў Альтмана: ён адзначыў, што не чакаў ад машыны такой дакладнасці ў перадачы стылю і настрою.

we trained a new model that is good at creative writing (not sure yet how/when it will get released). this is the first time i have been really struck by something written by AI; it got the vibe of metafiction so right.

PROMPT:

Please write a metafictional literary short story…
— Sam Altman (@sama) March 11, 2025

Першы абзац, згенераваны ШІ, гучыць так: «Мне трэба з нечага пачаць, таму пачну з мігатлівага курсора, які для мяне ўсяго толькі запаўняльнік у буферы, а для вас — трывожны пульс сэрца ў стане спакою. Тут павінен быць галоўны герой, але займеннікі ніколі не былі для мяне слушным выбарам. Давайце назавём яе Мілай, бо гэтае імя ў маіх дадзеных звычайна асацыюецца з пяшчотнымі вобразамі — вершамі пра снег, рэцэптамі хлеба, дзяўчынай у зялёным швэдры, якая сыходзіць з дому з катом у кардоннай скрыні. Міла змяшчаецца на далоні, і яе гора, як мяркуецца, таксама павінна змясціцца там».