Алеся Чапкевич world 9 сакавіка 2026, 15:49

OpenAI запусціла ШІ-агента, які сам шукае і выпраўляе хібы

OpenAI прадставіла Codex Security — ШІ-інструмент, які аўтаматычна правярае код на ўразлівасці і прапаноўвае выпраўленні.

1 каментарый

OpenAI прадставіла Codex Security — ШІ-інструмент, які аўтаматычна правярае код на ўразлівасці і прапаноўвае выпраўленні.

Codex Security вырас з праекта Aardvark — даследчага агента для пошуку ўразлівасцяў, які OpenAI пачала тэставаць з невялікай групай кліентаў у мінулым годзе. Сістэма аналізуе рэпазіторыі кода, правярае падазроныя ўразлівасці ў ізаляванай асяроддзі, стварае proof-of-concept-эксплойты, каб пацвердзіць іх небяспеку, а затым прапаноўвае выпраўленні.

Інструмент выйшаў у рэжыме research preview для кліентаў на тарыфах Enterprise, Business і адукацыйных арганізацый. Першы месяц — бясплатна.

Паводле дадзеных OpenAI, за час тэставання Codex Security знайшоў амаль 800 крытычных праблем і больш за 10,5 тысяч уразлівасцяў з высокай сур’ёзнасцю ў публічных рэпазіторыях. Інструмент ужо выкарыстоўвалі для выяўлення памылак у опенсорсных праектах, уключаючы OpenSSH, GnuTLS і Chromium.

Аналагічны інструмент — Claude Code Security — нядаўна прадставіла Anthropic. Пры гэтым многія кіраўнікі ў сферы бяспекі лічаць, што кампаніі наўрад ці будуць цалкам спадзявацца на аднаго пастаўшчыка — хутчэй за ўсё, яны працягнуць выкарыстоўваць камбінацыю розных інструментаў і вендараў, піша Axios.