Алеся Чапкевич world 24 сакавіка 2026, 16:18

OpenAI запусціла воблачнае сховішча для карыстальніцкіх файлаў

OpenAI выкаціла функцыю ChatGPT Library, якая дазваляе юзерам захоўваць файлы і карцінкі ў адным надзейным месцы ў яе воблачным сховішчы.

Пакінуць каментарый

OpenAI запусціла воблачнае сховішча для карыстальніцкіх файлаў

OpenAI выкаціла функцыю ChatGPT Library, якая дазваляе юзерам захоўваць файлы і карцінкі ў адным надзейным месцы ў яе воблачным сховішчы.

Навінкай пакуль могуць скарыстацца падпісчыкі на тарыфах Plus, Pro і Business. Геаграфічна яна даступна ва ўсім свеце, акрамя краін Еўрапейскай эканамічнай зоны, Швейцарыі і Вялікабрытаніі.

У вэб-версіі раздзел адлюстроўваецца на бакавой панэлі. Журналіст Bleeping Computer адзначыў, што ў ім адразу былі захаваны файлы, якія ён загружаў у бота за апошнія пару тыдняў.

OpenAI тлумачыць, што ChatGPT аўтаматычна складвае туды загружаныя і згенераваныя файлы, у тым ліку з чатаў (дакументы, табліцы, прэзентацыі, карцінкі), каб іх потым было лёгка адтуль дастаць. Ёсць лімiты: напрыклад, файлы павінны быць не больш за 512 Мб, тэкставыя файлы — да 2 млн токенаў, табліцы — да 50 Мб, карцінкі — да 20 Мб.

Файлы будуць ляжаць у Library, пакуль карыстальнік сам не выдаліць іх уручную. OpenAI будзе трымаць іх на сваіх серверах яшчэ 30 дзён. Калі выдаліць чат з файламі, яны нікуды не знікнуць.