OpenAI плануе запусціць дэсктопную супераплікацыю, якая аб’яднае ChatGPT, платформу для праграмавання Codex і фірмовы браўзер. Кампанія хоча спрасціць карыстальніцкі досвед і перастаць распыляцца на мноства асобных прадуктаў, піша Wall Street Journal.
OpenAI плануе запусціць дэсктопную супераплікацыю, якая аб’яднае ChatGPT, платформу для праграмавання Codex і фірмовы браўзер. Кампанія хоча спрасціць карыстальніцкі досвед і перастаць распыляцца на мноства асобных прадуктаў, піша Wall Street Journal.
За прадукт будзе адказваць Фіджы Сімо, кіраўнік напрамку аплікацый. Разам з прэзідэнтам Грэгам Брокманам яна будзе курыраваць перабудову прадукту і каманд. Гэта частка больш шырокага перагляду стратэгіі і прадуктовага партфеля кампаніі.
OpenAI звычайна выпускала шмат асобных прадуктаў, што прывяло да размыцця фокусу. Цяпер кампанія хоча сабраць усё ў адным месцы, каб паскорыць распрацоўку і лепш канкураваць з Anthropic, якая актыўна расце ў карпаратыўным сегменце.
Ключавая стаўка — на агентныя магчымасці: ШІ павінен не проста адказваць на запыты, а выконваць задачы на камп’ютары карыстальніка — пісаць код, аналізаваць даныя і аўтаматызаваць рабочыя працэсы. У OpenAI прызнаюць, што ранейшая фрагментацыя прадуктаў замаруджвала развіццё і перашкаджала дасягаць патрэбнай якасці.
Кампанія ўжо дзейнічае ў рэжыме «трывогі» з-за ціску з боку канкурэнтаў. У бліжэйшыя месяцы OpenAI плануе пашырыць магчымасці Codex, а затым паступова аб’яднаць яго з ChatGPT і браўзерам у адзіны прадукт. Мабільная аплікацыя пры гэтым застанецца без змяненняў.
Рэлацыраваліся? Цяпер вы можаце каментаваць без верыфікацыі акаўнта.