Сузаснавальнік і кіраўнік праўлення Oracle Лары Элісан учора абвясціў, што кампанія перанясе свой галаўны офіс у Нэшвіл, сталіцу штата Тэнэсі. Так яна будзе бліжэй да буйнога хабу медыцынскай дзейнасці, піша CNBC.
Сузаснавальнік і кіраўнік праўлення Oracle Лары Элісан учора абвясціў, што кампанія перанясе свой галаўны офіс у Нэшвіл, сталіцу штата Тэнэсі. Так яна будзе бліжэй да буйнога хабу медыцынскай дзейнасці, піша CNBC.
Паводле слоў Элісана, кампанія пераносіць у Нэшвіл «велізарны кампус», які «ў далейшым стане глабальнай штаб-кватэрай» Oracle. Ён назваў горад «ашаламляльным месцам для жыцця», у якім вельмі падабаецца супрацоўнікам кампаніі.
Нэшвіл ужо шмат дзесяцігоддзяў з’яўляецца важным цэнтрам галіны аховы здароўя. У горадзе прысутнічае мноства медыцынскіх сетак, стартапаў і інвестараў. Oracle ужо тры гады будуе тут новы кампус за $1,2 млрд.
Апошнімі гадамі кампанія шчыльна займаецца распрацоўкай прадуктаў для сферы аховы здароўя. Два гады таму яна за $28 млрд купіла буйную медтэх-фірму Cerner. Oracle прыйшла ў медыцыну не так даўно, але, паводле слоў Элісана, у кампаніі «маральны абавязак» вырашыць праблемы, якія стаяць перад галіной.
Ад моманту заснавання ў 1977 годзе Oracle базавалася ў Крэмніевай даліне. У 2020 годзе кампанія пераехала ў тэхаскі Осцін.
Рэлацыраваліся? Цяпер вы можаце каментаваць без верыфікацыі акаўнта.