«Праз 5 гадоў у кожнага чалавека будзе АІ-смартфон — CEO Qualcomm

«На працягу пяці гадоў ва ўсіх нас, верагодна, будзе АІ-смартфон», — сказаў ён у інтэрв’ю Bloomberg. Праблему ён бачыць у тым, каб дачакацца з’яўлення сцэнароў іх выкарыстання, як гэта было ў часе пераходу на смартфоны.

Qualcomm з’яўляецца лідарам на рынку працэсараў для Android смартфонаў. На гэтым тыдні амерыканскі чыпмэйкер паказаў магутнейшыя працэсары Snapdragon 8 Elite, якія забяспечваюць смартфоны прадукцыйнасцю ўзроўню ноўтбукаў і падтрымкай АІ-праграм. Новыя працэсары на 45% хутчэйшыя і менш энергазатратныя ў параўнанні са сваімі папярэднікамі.