Аршанец не распазнаў дыпфэйк і пазбавіўся $10K

Мужчыне паступіў відэазванок у адным з месэнджараў. Той, хто тэлефанаваў, з дапамогай ШІ змяніў знешнасць і абстаноўку вакол, каб выдаць сябе за «праваахоўніка» ва ўласным кабінеце.

Далей ён расказаў аршанцу, быццам бы яго дадзеныя выкарыстоўваліся для здзяйснення махлярстваў, і пад пагрозай ператрусу ў яго дома вымусіў перадаць рэквізіты банкаўскіх картак. Таксама злачынца прымусіў пацярпелага здзейсніць шэраг фінансавых аперацый і пацвердзіць іх пры зносінах з сапраўднымі работнікамі банкаў.

У выніку айцішнік страціў буйную суму асабістых зберажэнняў. Па гэтым факце ўзбуджана крымінальная справа па арт. 212 КК РБ (крадзеж маёмасці шляхам мадыфікацыі камп’ютарнай інфармацыі, здзейснены ў буйным памеры).