Кампанія Block Джэка Дорсі паказала новую платформу пад назвай Goose. Гэта бясплатны оўпэнсорсны інструмент, які спрашчае стварэнне АІ-агентаў на базе самых разнастайных вялікіх моўных мадэляў, ці то DeepSeek, ці то OpenAI, Google або Anthropic.
Кампанія Block Джэка Дорсі паказала новую платформу пад назвай Goose. Гэта бясплатны оўпэнсорсны інструмент, які спрашчае стварэнне АІ-агентаў на базе самых разнастайных вялікіх моўных мадэляў, ці то DeepSeek, ці то OpenAI, Google або Anthropic.
У асноўным агенты, якіх дапамагае рабіць Goose, заточаныя пад распрацоўку софту. Напрыклад, яны могуць дапамагчы з міграцыяй кода, разборам кода новага праекта на невядомай мове праграмавання, з апрацоўкай і рэдагаваннем дакументаў, правядзеннем тэстаў на бэнчмарках, павышэннем метрыкі пакрыцця кода, генерацыяй юніт-тэстаў для функцыяналу і многім іншым.
Goose дазволіць ствараць агентаў, здольных узаемадзейнічаць з рознымі платформамі, напрыклад, з Google Дыскам, Slack і не толькі, адзначаюць у Block. Такія агенты змогуць апрацоўваць карыстальніцкія даныя і перадаваць іх паміж праграмамі, а таксама выконваць дзеянні ад імя карыстальніка ў некалькіх праграмах адначасова.
Goose распаўсюджваецца па ліцэнзіі Apache 2.0, якая дапускае выкарыстанне сэрвісу як у даследчых, так і ў камерцыйных мэтах. Ён сумяшчальны з оўпэнсорсным пратаколам Model Context Protocol (MCP) ад Anthropic, які ёсць наборам API, што спрашчае падключэнне АІ-агентаў да розных рэпазіторыяў даных, бізнэс-праграм і асяроддзяў распрацоўкі.
Падрабязнасці і падручнікі па Goose размешчаныя на Github.
Рэлацыраваліся? Цяпер вы можаце каментаваць без верыфікацыі акаўнта.