З-за звальненняў узніклі пытанні да віз H-1B, якія замаўляе Microsoft: на мінулым тыдні кампанія абвясціла пра звальненне 9 тысяч чалавек, а перад гэтым правяла яшчэ два масавыя раўнды ў маі і чэрвені, якія ў суме закранулі 8 тысяч, піша Newsweek.
З-за звальненняў узніклі пытанні да віз H-1B, якія замаўляе Microsoft: на мінулым тыдні кампанія абвясціла пра звальненне 9 тысяч чалавек, а перад гэтым правяла яшчэ два масавыя раўнды ў маі і чэрвені, якія ў суме закранулі 8 тысяч, піша Newsweek.
У X пачалі распаўсюджвацца паведамленні пра тое, што з кастрычніка кампанія падала больш за 6 тысяч заявак на візы H-1B. Гэтая лічба не пацверджана афіцыйна, але ў папярэдні фінансавы год ад яе паступіла 9491 заяўка, і ўсе былі ўхваленыя.
У Цэнтры іміграцыйных даследаванняў адзначаюць, што ў нейкім сэнсе ў сітуацыі няма нічога дзіўнага, і запыт кампаній на візавыя праграмы для спецыялістаў амаль заўсёды ідзе ўразрэз з іх дзеяннямі. «Рэальныя даныя ніколі не пацвярджаюць, што ім так моцна не хапае супрацоўнікаў, як пра гэта кажа дзелавая супольнасць», — адзначаюць эксперты Цэнтра.
Паводле дадзеных Службы грамадзянства і іміграцыі ЗША, у каляндарным 2024 годзе Microsoft была сёмай сярод кампаній, якім было ўхвалена найбольш заявак — больш за 4700.
Абвяшчаючы пра звальненні ў гэтым годзе, Microsoft сцвярджала, што хоча прарэдзіць менеджмент, а не шараговых інжынераў і распрацоўшчыкаў. На справе, паводле інфармацыі Seattle Times, толькі 17% звольненых у яе рэдмандскім кампусе склалі дызайнеры і менеджары.
Акрамя таго, звальненні адбыліся пасля таго, як кампанія адрапартавала пра адзін з лепшых у сваёй гісторыі кварталаў, а яе катыроўкі з пачатку года выраслі на 20%. Паколькі наймаць замежнікаў па візе H-1B танней, чым амерыканцаў, у сацсетках спее абурэнне з боку праціўнікаў візы. Хаця прамой пацверджанай сувязі паміж скарачэннямі ў Microsoft і яе заяўкамі H-1B на візу няма, яе дзеянні называюць «эканамічнай здрадай» і здрадай амерыканскіх грамадзян, а таксама патрабуюць ад Мінпрацы правесці праверку.
У ведамстве выданню сказалі, што не ўпаўнаважаны праводзіць такія расследаванні і запытваць адпаведныя дакументы. Але адзначылі, што такая магчымасць можа быць у Міністэрства ўнутранай бяспекі.
Праграма H-1B стала прадметам канфлікту паміж прыхільнікамі руху MAGA, якія лічаць, што яна пазбаўляе працы ўраджэнцаў ЗША, і топамі тэхгігантаў, якія падтрымалі Дональда Трампа, але не жадаюць яе скасавання. Трамп, будучы бізнесменам, пакуль не падаваў сігналаў пра тое, што будзе нешта змяняць у праграме, якая хоць і справакавала незадаволенасць грамадства, але шмат гадоў спраўна працуе для бізнесу. Паводле экспертаў, змяніць яе на карысць амерыканцаў будзе складана — змены прыйдзецца праводзіць праз Кангрэс і ўводзіць новыя рэгуляцыі, а там гэтага не хочуць.
Рэлацыраваліся? Цяпер вы можаце каментаваць без верыфікацыі акаўнта.