Аддзел навін ИТ-хандра 1 лютага 2023, 11:21

PayPal звальняе 2 тысячы супрацоўнікаў

PayPal абвясціў пра планы звольніць 2 тысячы супрацоўнікаў, або прыкладна 7% свайго глабальнага штату.

Паводле слоў прэзідэнта і гендырэктара кампаніі Дэна Шульмана, рашэнне абумоўленае складанай макраэканамічнай сітуацыяй. Ён дадаў, што PayPal спрабаваў засяродзіць рэсурсы на ключавых напрамках дзейнасці і аптымізаваць выдаткі, але гэтага выявілася недастаткова.

Звальненні пройдуць найбліжэйшымі тыднямі і закрануць розныя падраздзяленні ў рознай ступені. Тым, хто трапіў пад скарачэнне, паабяцалі шчодрыя выходныя дапамогі, кансультацыі і дапамогу ў пошуку новай працы.

Акцыі плацежнага сэрвісу ў дзень, калі былі анансаваныя звальненні, падаражэлі на 2%.

У 3 квартале 2022 года PayPal перасягнуў ацэнкі аналітыкаў па выручцы і прыбытку, але каціроўкі пасля справаздачы ўпалі праз тое, што прагноз па выручцы на 4 квартал выявіўся ніжэйшым за чаканы. За гэты перыяд кампанія зробіць справаздачу 9 лютага.