Perplexity запусціла функцыю вывучэння моў — акцыі Duolingo абваліліся

Інструмент дазваляе весці дыялогі, атрымліваць пераклады, тлумачэнні граматыкі і імгненную зваротную сувязь. Карыстальнікі могуць трэніраваць базавыя тэрміны ці выкарыстоўваць карткі для запамінання больш складаных фраз. Па словах сузаснавальніка Perplexity Аравінда Шрынівaca, «адказы павінны выходзіць за межы тэксту — ператварацца ў інтэрактыўныя карткі і практыку ў рэальным часе».

ШІ-асістэнт не проста адказвае на пытанні, але і можа правяраць веды з дапамогай міні-тэстаў і тлумачэнняў. Напрыклад, пасля вывучэння набору слоў сістэма прапануе практыкаванні на замацаванне і праслухоўванне правільнага вымаўлення. Функцыя ўжо даступная ў вэб-версіі і на iOS, версія для Android з’явіцца пазней. Такім чынам, Perplexity становіцца шматфункцыянальным асяроддзем, якое аб’ядноўвае пошук, навучанне і камунікацыю.

Запуск новай функцыі ўжо прыкметна паўплываў на рынак EdTech. Пасля анонсу акцыі Duolingo — адной з найбуйнейшых аплікацый для вывучэння моў — упалі амаль на 4,5%, хоць неўзабаве часткова аднавіліся. Аналітыкі звязваюць гэта з тым, што Perplexity цяпер прапануе аналагічны функцыянал без падпісак і дадатковых аплікацый.