Google Chrome — бясспрэчны лідар на рынку мабільных і настольных браўзераў на працягу многіх гадоў, але адным з яго галоўных недахопаў на Android застаецца адсутнасць падтрымкі пашырэнняў (хоць падлучыць іх можна абыходнымі спосабамі). Microsoft вырашыла не чакаць канкурэнта і першай запусціла краму пашырэнняў для Edge на Android, піша Android Authority.
Google Chrome — бясспрэчны лідар на рынку мабільных і настольных браўзераў на працягу многіх гадоў, але адным з яго галоўных недахопаў на Android застаецца адсутнасць падтрымкі пашырэнняў (хоць падлучыць іх можна абыходнымі спосабамі). Microsoft вырашыла не чакаць канкурэнта і першай запусціла краму пашырэнняў для Edge на Android, піша Android Authority.
Microsoft эксперыментуе з плагінамі для мабільнага Edge з пачатку 2024 года — яны былі даступныя ў папярэдніх зборках Canary. Для гэтага трэба было ўключыць схаваны параметр, а стабільная версія Edge для Android падтрымлівала толькі тры пашырэнні.
Цяпер стабільная версія браўзера (v134.0.3124.57) падтрымлівае ўжо 22 пашырэнні, і чакаецца, што іх колькасць будзе расці. На выбар — пашырэнне Dark Reader для пераключэння браўзера ў начны рэжым, менеджар пароляў Bitwarden, VPN-ы NordVPN і Browsec, AIX Downloader для запампоўкі медыяфайлаў, Collabwriting для сумеснай працы над нататкамі і іншыя.
Каб усталяваць пашырэнні, трэба абнавіць Edge і перайсці ў краму праз меню браўзера. Паколькі крама афіцыйная, можна меркаваць, што пашырэнні бяспечныя для загрузкі і выкарыстання. Зараз яна працуе ў рэжыме бэта-версіі — пра гэта сведчыць адпаведная пазнака.
Рэлацыраваліся? Цяпер вы можаце каментаваць без верыфікацыі акаўнта.