Алеся Чапкевич world 12 лістапада 2025, 14:58

Першы расійскі ШІ-робат дэбютаваў тварам у падлогу

У Маскве паказалі першага расійскага антрапаморфнага робата з ШІ па імені Aidol. Падчас прывітальнага дэфіле ён страціў раўнавагу і ўпаў. Мерапрыемства перапынілі, піша ТАСС.

2 каментарыя

У Маскве паказалі першага расійскага антрапаморфнага робата з ШІ па імені Aidol. Падчас прывітальнага дэфіле ён страціў раўнавагу і ўпаў. Мерапрыемства перапынілі, піша ТАСС.

Робат можа працаваць без падлучэння да інтэрнэту і весці асэнсаваныя зносіны. Паводле распрацоўшчыкаў, ён закрывае тры ключавыя задачы: перамяшчэнне на нагах, маніпуляцыя прадметамі і камунікацыя. Згодна з планам, яго будуць ужываць у прамысловасці і сэрвісе, напрыклад на вытворчасці, у лагістыцы, у банках, аэрапортах і гэтак далей.

Галоўнай адрознасцю Aidol ад сусветных аналагаў названыя жывая міміка і выражэнне эмоцый. Яго «твар» абсталяваны гнуткімі цягамі на 19 сервапрывадах, якія падтрымліваюць не менш за 12 базавых эмоцый і «сотні» мікравыражэнняў. Таксама ў яго ўбудавана 7 мікрафонаў, у тым ліку для распазнавання таго, хто гаворыць, і вядзення дыялогу ў шумным асяроддзі.

У Aidol 67 ступеняў свабоды (з пункту гледжання робататэхнікі, падкрэслівае ТАСС). Робат можа арыентавацца ў прасторы — для гэтага ён аснашчаны дзвюма стэрэакамерамі і інерцыяльным модулем, а таксама захопліваць прадметы масай да 10 кг сіліконавымі «кісцямі». Аўтаномная праца — да 6 гадзін, хуткасць руху — да 6 км/г, баланс на няроўнай паверхні захоўваецца.

А на роўнай, відаць не. На прэзентацыі робат павольна выйшаў на сцэну і паспрабаваў памахаць рукой, але нахіліўся і рухнуў на падлогу. Прэзентацыю адразу ж перапынілі, робата забралі. Супрацоўнікі сцэны спрабавалі прыкрыць тое, што адбывалася, чорнай тканінай, але яна заблыталася. Гендырэктар кампаніі-распрацоўшчыка «Айдол» Уладзімір Вітухін спадзяецца, «што гэтая памылка ператворыцца ў досвед».