Стартап Skild AI распрацаваў універсальную ШІ-сістэму для кіравання робатамі пад назвай Skild Brain. Яна вельмі хутка вучыцца кіраваць незнаёмымі механізмамі і перавучваецца, калі, напрыклад, робат зламаўся ці страціў канечнасць, паведамляе Wired.
Стартап Skild AI распрацаваў універсальную ШІ-сістэму для кіравання робатамі пад назвай Skild Brain. Яна вельмі хутка вучыцца кіраваць незнаёмымі механізмамі і перавучваецца, калі, напрыклад, робат зламаўся ці страціў канечнасць, паведамляе Wired.
Skild AI showcases an omni-bodied robot brain
byu/Outside-Iron-8242 insingularity
На дэма-відэа робату цалкам або часткова прыбіраюць канечнасці, прымацоўваюць лішнія часткі і колы, вешаюць грузы. Мадэль перабудоўваецца і праз некалькі спроб аднаўляе кантроль над робатам. Аўтары падкрэсліваюць, што алгарытм не трэніравалі на робатах на відэа: ён з нуля вучыцца працаваць з любым «жалезам», якім яго аснасцяць, нават з тым, з якім ніколі раней не сутыкаўся. Акрамя канфігурацыі робата мадэль вучыцца адаптавацца да рэльефу.
Прынцып падобны на кантэкстнае навучанне ў моўных мадэлях: сістэма разбівае задачу на крокі, выкарыстоўвае ўласныя прамежкавыя высновы і на ляту падстройваецца пад новыя сітуацыі. Навучаны алгарытм паспяхова кіраваў двуногімі і чатырохногімі робатамі, якіх не было ў трэніровачным датасэце.
Таксама каманда працуе над алгарытмам, які дазваляе робатам выконваць розныя маніпуляцыі рукамі, кіраваць староннімі прыладамі і адаптавацца да змен навакольнага асяроддзя, напрыклад асвятлення. Стартап ужо супрацоўнічае з вытворцамі робарук. У 2024 годзе ён прыцягнуў $300 млн пры ацэнцы ў $1,5 млрд.
Релоцировались? Теперь вы можете комментировать без верификации аккаунта.