СЕО Google Сундар Пічаі ў нядаўнім інтэрв’ю Wired падзяліўся, які сайт адкрывае перш за ўсё зранку. Гэта агрэгатар тэхналагічных навін Techmeme, папулярны як сярод айцішных топ-менеджараў, так і сярод простых фанатаў тэхналогій.
Techmeme збірае спасылкі на апошнія навіны, якія выходзяць на Bloomberg, CNBC, The Verge і іншых інтэрнэт-рэсурсах, што асвятляюць ІТ-індустрыю. Партал у 2005 годзе заснаваў інжынер софту Гейб Рывера. Ён дазваляе хутка і без рэкламы азнаёміцца з падзеямі, што адбываюцца, па загалоўках і кароткім апісаннях і перайсці на цікавыя матэрыялы для падрабязнейшага азнаямлення.
Па-за межамі ІТ-сферы сайт мала вядомы, а колькасць яго наведвальнікаў на месяц вымяраецца тысячамі. Але, паводле слоў Рыверы, акрамя Пічаі на ім сядзяць гендырэктар Meta Марк Цукерберг, тэхдырэктар Эндру Босварт і гендырэктар Instagram Адам Мосеры. Таксама яго чытаюць гендырэктар Microsoft Сацья Надэла, выканаўчы старшыня LinkedIn Джэф Вайнер, экс-прэзідэнт PayPal Дэвід Маркус і былы гендырэктар тады яшчэ Twitter Дзік Кастола.
А гендырэктары Apple і Nvidia Цім Кук і Дженсен Хуанг пачынаюць новы дзень не з навін, а з імэйлаў ад супрацоўнікаў.
Рэлацыраваліся? Цяпер вы можаце каментаваць без верыфікацыі акаўнта.