Пітэр Ціль дазваляе сваім дзецям сядзець у тэлефоне толькі 1,5 гадзіны на тыдзень

Прадпрымальнік каментаваў заяву галоўнага санітарнага доктара ЗША Вівека Мёрфі аб тым, што ягоная служба будзе дамагацца дадання сацсеткамі маркіроўкі аб небяспецы для здароўя дзяцей, у гутарцы з журналістам Эндру Росам Соркінам. Meta, дарэчы, атрымала пазоў ад 33 штатаў з абвінавачваннямі ў тым, што Facebook і Instagram шкодзяць псіхічнаму стану неакрэплых розумаў.

Тыль адзначыў, што «вельмі лёгка» рабіць бігтэх вінаватым «ва ўсіх нашых праблемах». Але прызнаў, што многія топ-менеджары сацсетак самі абмяжоўваюць час, які іхнія дзеці ў іх бавяць.

Сваім дзецям Тыль дазваляе карыстацца гаджатамі 1,5 гадзіны на тыдзень. Але яны яшчэ маленькія — 3 і 5 гадоў, так што абмежаванне мае сэнс.

Гендырэктар Snapchat Эван Шпігель раней таксама казаў, што ягонаму 8-гадоваму дзіцяці гаджаты дазволеныя толькі 1,5 гадзіны на тыдзень. А сыну гендырэктара Google Сундара Пічаі не давалі тэлефона ў сярэдняй школе.