Чаму бізнэс дарма скарачае мідл-менеджараў — меркаванне эксперта

У калонцы для Business Inisider Анцін піша, што за апошнія гады кіраўнікі тэхкампаній усё часцей разглядаюць менеджараў сярэдняга звяна як «лішні бюракратычны пласт». «Я з трывогай назіраю, як кіраўнікі ў тэхіндустрыі разварочваюцца супраць мідл-менеджараў, і ўсё больш з іх губляюць працу», — піша ён.

Аўтар адзначае, што адна з ключавых праблем заключаецца ў тым, што роля мідла дрэнна вызначана і цяжка вымерная. «Калі я ўпершыню стаў мідл-менеджарам у Facebook, я ведаў, што мая праца звязана з кіраваннем людзьмі — і на гэтым усё», — успамінае ён. Стратэгічны кантэкст, па яго словах, часта абмяркоўваўся «за зачыненымі дзвярыма невялікай групай топ-кіраўнікоў» і амаль не даходзіў да каманд.

У гэтай сітуацыі, лічыць ён, менеджарам сярэдняга звяна даводзіцца самім шукаць спосабы даказаць сваю карыснасць. «Пасля таго як я некалькі разоў чакаў указанняў, якія так і не з’явіліся, я зразумеў: адзіны спосаб рухацца хутка — быць праактыўным», — піша ён. Анцін пачаў самастойна прымаць рашэнні, выбудоўваць узаемадзеянне паміж даследчыкамі, продакт-менеджарамі і інжынерамі, а таксама змяняць фокус праектаў без фармальнага ўхвалення зверху.

«Спачатку гэта здавалася рызыкоўным — прасіць прабачэння замест дазволу», — прызнаецца ён, дадаючы, што такі падыход «не заўсёды спрацоўваў». Тым не менш менавіта ён, па яго меркаванні, дапамог яму хутка прасоўвацца па кар’ернай лесвіцы. «Я хацеў быць вырашальнікам праблем, а не проста чалавекам, які пераказвае апдэйты», — лічыць Анцін.

Пазней, ужо ў Airbnb, ён свядома выбудаваў структуру, у якой мідл-менеджары атрымлівалі аўтаномію. «Я задаваў бачанне, мэты і чаканні, але дазваляў менеджарам самім вырашаць, як іх дасягаць», — піша ён. Па яго словах, гэта дазволіла «паскорыць працу, павысіць эфектыўнасць і якасць», а таксама знізіць колькасць вузкіх месцаў, звязаных з узгадненнямі на верхнім узроўні.

Анцін папярэджвае, што менеджары сярэдняга звяна сталі «лёгкай мішэнню для адарваных ад рэальнасці кіраўнікоў», якія хочуць стварыць эфектныя заявы аб «плоскіх структурах» і росце эфектыўнасці. Па яго меркаванні, без моцнага пласта мідл-менеджменту кампаніі рызыкуюць страціць злучальнае звяно паміж стратэгіяй і рэальнай працай каманд, нават калі фармальна стануць больш «гнуткімі» і «аптымізаванымі».