Падлетак кінуў школу і вывучыў ML з дапамогай ChatGPT. Цяпер ён у OpenAI

У 2016 годзе Петэрсан упершыню ўладкаваўся на працу спецыялістам па камп’ютарных сістэмах, калі яму было 15 гадоў. У 2019 годзе ён кінуў школу ў Швецыі і далучыўся да стартапу Depict. Цяпер 24-гадовы Габрыэль узгадвае, што тады яму давялося вучыцца праграмаваць на хаду.

Затым Петэрсан пачаў вывучаць машыннае навучанне і нейрасеткі з дапамогай ChatGPT. У падкасце Extraordinary ён заявіў, што тады ён зразумеў, што «ва ўніверсітэтаў больш няма манаполіі на фундаментальныя веды». У выніку пасля змены трох кампаній у 2023-м годзе ён трапіў у Midjourney, а ў снежні 2024-га перайшоў у OpenAI.

Цяпер Габрыэль працуе над відэагенератарам Sora 2. «Кампаніі проста хочуць зарабляць грошы. Пакажыце ім, як зарабляць, пакажыце, што вы ўмееце праграмаваць, і яны вас наймуць», — лічыць распрацоўшчык. У маладога чалавека ёсць свой блог у аплікацыі Sora, дзе ён выкладвае ролікі са сваім персанажам і нават сваім начальнікам — гендырэктарам Сэмам Альтманам.

Сам Альтман кінуў Стэнфардскі ўніверсітэт на трэцім годзе навучання, калі яму было 19 гадоў. Кіраўнік OpenAI нядаўна заявіў, што «зайздросціць пакаленню 20-гадовых, якія могуць будаваць неверагодныя рэчы на базе ШІ». Раней кіраўнік Palantir Алекс Карп таксама заявіў, што «усё, чаму вучаць у школах і ўніверсітэтах аб тым, як уладкаваны свет, памылковае», а кампанія запусціла стажыроўку для выпускнікоў школ, якія не навучаюцца ў каледжах.