«Пакляўся сабе больш тэставых не рабіць». Крык душы з нагоды ІТ-гутарак
Айцішнікі расказалі пра дзіўныя патрабаванні ў часе інтэрв’ю.
Сумоўі ў ІТ-кампаніі могуць быць поўныя сюрпрызаў і непрыемнасцяў. Dzik Pic паскрэб па каментарах і назбіраў некалькі кейсаў пра дзіўныя патрабаванні ў часе інтэрв’ю. Публікуем іх.
«У мяне самае тупое сумоўе было ў Canonical, дзе трэба псіхаметрычны тэст праходзіць — хутка клікаць курсорам па кнопак».
«У мяне было тэставае з дэдлайнам у 24 гадзіны. Я правёў 17 гадзін бесперапынна. Навошта — не ведаю, трапіў у пастку „чо, слабО зрабіць?“. Адказ па тэставым паступіў праз 3 тыдні. Адмова».
«У мяне на 1500 аплаеў — 92 першасныя сумоўі, не лічачы наступных —тэхнічных; сумоўе з заказчыкам, сумоўе з садоўнікам заказчыка, сумоўе з асабістым кіроўцам заказчыка і г. д.»
«Год таму, якраз у жніўні, будучы ў актыўных пошуках працы як UI/UX, нарэшце атрымаў першы водгук з прапановай выканаць тэставае. Па законе подласці, менавіта тады да мяне на тыдзень прыехаў сябар, якога не бачыў пару гадоў.
Ужо дакладна не памятаю, колькі выконваў, але сышло мінімум дні чатыры. Як гэта звычайна бывае, за адзін дзень робіш ці ледзь не цалкам, потым пачынаеш сумнявацца, ну, вы ведаеце.
Зрабіў рэальна крута, адправіў. І-і-і-і атрымаў запаветнае нечаканае запрашэнне на інтэрв’ю на англійскай (я доўгі час выкладаў, так што тут трапятання нават не было).
Мяне папрасілі выбраць дату. А далей мне проста не адказвалі. На пытанне ў панядзелак, ці сустракаемся, адказу таксама не было. Праз 3 месяцы, ужо ў лістападзе, я атрымаў адмову, дзе ў выніковай частцы мне сказалі, што было 250 кандыдатаў. Кантора называецца Mindpal».
«Я купіўся на падобнае: сказаў, што зраблю тэставае, толькі калі будзе дэталёвы фідбэк.
Зрабіў, выдаткаваўшы 11 гадзін свайго жыцця. Запрасілі на наступны этап. Там нейкія двое чутка пазадавалі пытанні наогул не па тэме. Праз два тыдні выдалі «вы не падышлі, ай, усё».
Пакляўся сабе больш тэставых не рабіць (калі толькі гэта не якія-небудзь Apple)».
«Жоўты банк: гоняць пытанне за пытаннем і не даюць падумаць як інжынер. А потым «соры, вы па скілах не прайшлі».
Рыхтаваў [да сумоўя] мяне сябар з гэтага ж банка — у пытаннях, якія выкарыстоўваюць у банку пры найманні. Так, там нарыхтаваны апытальнік. У галаве не ўкладаецца, што я ў распрацоўцы ад 2000-х, мяне рыхтавалі канкрэтна ў гэтае канкрэтнае месца, і я не падыходжу па скілах.
Як сказаў іншы мой знаёмы менеджар, такая хуткая адмова на працягу гадзіны без пераканаўчых прыкмет у адказе кажа пра тое, што людзі не патрэбныя.
З такімі ведамі гады тры таму я б у любой кампаніі прайшоў сумоўе лёгка. Нікому не патрэбныя сёння распрацоўшчыкі».
Читать на dev.by