Сузаснавальнік Y Combinator Пол Грэм пракаментаваў заявы аб тым, што Сэм Альтман быў звольнены з пасады прэзідэнта бізнэс-інкубатара ў 2019 годзе. Паводле яго слоў, кіраўніцтва не хацела, каб ён распыляўся.
Сузаснавальнік Y Combinator Пол Грэм пракаментаваў заявы аб тым, што Сэм Альтман быў звольнены з пасады прэзідэнта бізнэс-інкубатара ў 2019 годзе. Паводле яго слоў, кіраўніцтва не хацела, каб ён распыляўся.
«На працягу некалькіх гадоў ён узначальваў і YC, і OpenAI, але калі OpenAI абвясціла, што ў яе з’явіцца камерцыйная даччыная кампанія і што Сэм будзе яе гендырэктарам, мы сказалі яму, што калі ён збіраецца працаваць фултайм у OpenAI, то нам трэба знайсці кагосьці іншага ачоліць YC, і ён пагадзіўся», — растлумачыў прадпрымальнік. Кіраўніцтва задаволіла б, калі б Альтман знайшоў кагосьці іншага на пасаду СЕО OpenAI і цалкам засяродзіўся на акселератары. «Мы хацелі, каб ён не сыходзіў, а толькі абраў нешта адно», — дадаў Грэм.
I got tired of hearing that YC fired Sam, so here’s what actually happened: pic.twitter.com/3YvBDH7oqV
— Paul Graham (@paulg) May 30, 2024
Альтман сышоў у адстаўку 8 сакавіка 2019 года, за тры дні да таго, як OpenAI абвясціла, што больш не з’яўляецца цалкам некамерцыйнай арганізацыяй і цяпер пад яе кіраваннем будзе камерцыйнае падраздзяленне.
Заявы Грэма супярэчаць леташнім матэрыялам Wall Street Journal і Washington Post — абодва выданні сцвярджалі, што Альтмана папрасілі сысці праз тое, што ён ставіў асабістыя інтарэсы вышэй за інтарэсы Y Combinator.
Нядаўна былая сяброўка праўлення OpenAI Хелен Тонер расказала, што летась Альтмана звольнілі з кампаніі, бо ён неаднаразова хлусіў і ўтойваў ад кіраўніцтва інфармацыю і наогул стварыў таксічную абстаноўку, поўную недаверу. Тое ж самае яна сцвярджала ў сумесным артыкуле з іншай экс-дырэктаркай OpenAI Ташай Макоўлі. Учора дзейныя сябры праўлення Брэт Тэйлар і Лары Самерс выклалі артыкул, у якім заступіліся за Альтмана.
Рэлацыраваліся? Цяпер вы можаце каментаваць без верыфікацыі акаўнта.