Экс-сяброўка рады дырэктараў OpenAI Хелен Тонер ва ўчорашнім інтэрв’ю на Тhe TED AI Show падзялілася некаторымі падрабязнасцямі пра тое, што прывяло да раптоўнай, хоць і нядоўгай адстаўцы Сэма Альтмана з пасады гендырэктара ў мінулым лістападзе.
Экс-сяброўка рады дырэктараў OpenAI Хелен Тонер ва ўчорашнім інтэрв’ю на Тhe TED AI Show падзялілася некаторымі падрабязнасцямі пра тое, што прывяло да раптоўнай, хоць і нядоўгай адстаўцы Сэма Альтмана з пасады гендырэктара ў мінулым лістападзе.
Паводле слоў Тонер, якая была адной з тых, хто галасаваў супраць Альтмана, ён «шмат разоў» хлусіў сябрам праўлення. Прадпрымальнік гадамі «хаваў інфармацыю» і «няправільна тлумачыў падзеі, якія адбываюцца ў кампаніі».
Як прыклад, дырэктары даведаліся пра рэліз ChatGPT з паста ў Twitter (цяпер Х). Яшчэ адная праява хлусні была ў тым, што Альтман утойваў ад іх структуру ўласнасці кампаніі.
«Сэм не праінфармаваў праўленне, што валодае OpenAI Startup Fund, хоць увесь час заяўляў, што з’яўляецца незалежным сябрам праўлення і не мае фінансавай цікавасці ў кампаніі», — сказала Тонер. OpenAI Startup Fund — інвестфонд, які ўкладваецца ў АІ-стартапы на ранніх стадыях у розных сферах.
Гэта «моцна падарвала» і «зрабіла цалкам немагчымым» давер да яго з боку праўлення OpenAI, якое на той момант у кастрычніку ўжо «даволі сур’ёзна абмяркоўвала, ці варта яго звольніць».
Sharing this, recorded a few weeks ago. Most of the episode is about AI policy more broadly, but this was my first longform interview since the OpenAI investigation closed, so we also talked a bit about November.
— Helen Toner (@hlntnr) May 28, 2024
Thanks to @bilawalsidhu for a fun conversation! https://t.co/h0PtK06T0K
Акрамя гэтага, паводле слоў Тонер, Альтман даваў сябрам праўлення OpenAI «некарэктныя звесткі» пра фармальныя працэсы бяспекі — дакладней, пра тое, што іх у кампаніі мала. Праз гэта дырэктарам было «практычна немагчыма» зразумець, ці дастаткова дзейсных мер бяспекі, ці іх варта ўзмацніць.
Тонер дадала, што мелі месца іншыя інцыдэнты, але ў выніку сябры праўлення «проста не верылі таму, што ім кажа Альтман», і назвала раду OpenAI непрыдатным месцам для працы. Задачай рады мелася быць ажыццяўленне незалежнага нагляду за OpenAI, а не «проста дапамога гендырэктару ў прыцягненні новых сродкаў».
Далей у кастрычніку, кажа Тонер, у праўлення было некалькі гутарак з топ-менеджарамі, якія расказалі пра «псіхалагічны гвалт» з боку Альтмана. Топы выказалі меркаванне, што Альтману не варта быць на чале OpenAI на шляху да распрацоўкі агульнага штучнага інтэлекту, а таксама «што ён наўрад ці зменіцца, што яму няма сэнсу даваць зваротную сувязь, няма сэнсу спрабаваць прапрацаваць гэтыя пытанні».
На той момант, калі сябры праўлення зразумелі, што Альтмана трэба замяніць, было ясна, што ён пойдзе на ўсё, каб перашкодзіць ім. Тады, сцвярджае Тонер, Альтман «пачаў хлусіць іншым сябрам праўлення, каб паспрабаваць выціснуць» яе. Таму дырэктары былі вельмі асцярожныя і амаль нікому не казалі пра планы загадзя.
Пра адстаўку Альтмана было абвешчана 17 лістапада, але ўжо менш чым праз тыдзень ён вярнуўся на пасаду СЕО. Менш чым праз два тыдні Тонер сама пакінула праўленне.
Альтман хлусіў не толькі праўленню. Нядаўна разгарэўся скандал вакол Скарлет Ёхансан і выкарыстання яе голасу без дазволу. Таксама Альтман заявіў, што не ведаў пра шантаж сыходзячых супрацоўнікаў акцыямі, аднак уцеклыя ўнутраныя дакументы сведчаць пра тое, што ўсё адбывалася з яго ведама.
Рэлацыраваліся? Цяпер вы можаце каментаваць без верыфікацыі акаўнта.
Что-то чем дальше, тем больше подробностей про Альтмана. Препротивненький, надо сказать, товарищ.
А если ещё и будущий ИИ будет на него похожим, то всем пора хаваться в бульбу.
Обычно какой человек, такая у него и собака, я думаю и тут так получится. Этот Сэм просто пытается технологией захватить мир.
Во-во. Если ИИ будет тренироваться на примере Альтмана....
Денег он хочет отхватить и завязать технологии на себя.