Палова+ айцішнікаў з Беларусі незадаволеныя заробкамі. Усё горш, ніж паўгода таму
Спыталіся ў айцішнікаў, ці задаволеныя тыя сваім заробкам. Выявілася, што большасць — не.
Паўдзельнічалі 1500+ ІТ-спецыялістаў. Амаль палова — распрацоўшчыкі. 40% — мідлы, 34% — сеньёры. 47% спецыялістаў працуюць у аўтсорсе. 50% айцішнікаў працуюць у Беларусі.
Падрабязней пра ўдзельнікаў
- Developer (software engineer) — 48,0%
- QA Specialist — 11,8%
- Team Lead/Tech Lead — 5,6%
- QA Automation Engineer — 4,6%
- DevOps Engineer — 3,9%
- Project Manager — 3,6%
- Business Analyst — 3,4%
- HR Specialist/Recruiter — 2,1%
- Marketing Specialist — 1,7%
- Designer — 1,4%
- Data Scientist — 1,4%
- C-Level — 1,1%
- Architect — 1,0%
- DataBase/Administrator — 0,9%
- Product Manager/Product Owner — 0,8%
- Support Specialist — 0,8%
- UI/UX Designer — 0,8%
- System Administrator — 0,8%
- Account Manager — 0,7%
- Resource Manager — 0,6%
- Delivery Manager — 0,5%
- Copywriter — 0,3%
- System Analyst — 0,3%
- PR Specialist/Manager — 0,1%
- Technical Writer — 0,1%
- Іншае — 2,9%
Прафесійны ўзровень
- Middle — 40,0%
- Senior — 34%
- Lead — 13,8%
- Junior — 9,2%
- С-узровень — 1,8%
- N/A — 1%
- Іншы — 0,2%
Толькі 43,4% рэспандэнтаў задаволеныя сваім цяперашнім заробкам. Паўгода таму па выніках аналагічнага анкетавання задаволеных было больш — 49%.
З усіх айцішнікаў, каго задавальняе заробак, каля 40% — сеньёры, каля 35% — мідлы. Больш як палова зарабляе ад 2 да 5 тысяч долараў, у 20 рэспандэнтаў заробак ад 9 тысяч долараў і вышэйшы. 5,5% айцішнікаў, задаволеных заробкам, атрымліваюць ад 500 да 1000 долараў.
Амаль 57% рэспандэнтаў не задаволеныя сваім заробкам. З іх 17% лічаць, што мусяць зарабляць на 20% больш. Гэта самая вялікая катэгорыя айцішнікаў сярод незадаволеных заробкам. Амаль палова з іх — мідлы. Каля 40% — супрацоўнікі буйных кампаній (1000+ чалавек). Больш як палова зарабляе ад 1 да 3 тысяч долараў (чыстымі).
5,5% лічаць, што іх заробак мусіць быць большым на 50-100% (амаль такі ж працэнт быў паўгода таму). Большасць (60%+) атрымліваюць да 1,5 тысяч долараў. У некалькіх рэспандэнтаў з гэтай катэгорыі айцішнікаў заробак вагаецца ў межах 3,5-4,2 тысячы долараў.
Каля 40 рэспандэнтаў (2,3%) мяркуюць, што ім нават пераплачваюць (паўгода таму — 1,9%). Большасць — сеньёры. Больш як палова зарабляе ад 4 да 10 тысяч долараў на месяц.
Заробкі па лакацыях
Паглядзелі колькі задаволеных/незадаволеных заробкамі спецыялістаў жыве і працуе ў Беларусі і найпапулярнейшых лакацыях для рэлакейту — Польшча, Грузія, Літва.
Найбольшы адсотак айцішнікаў, задаволеных заробкамі, — сярод спецыялістаў, якія жывуць у Грузіі (52,3%), найніжэйшы — сярод спецыялістаў, якія працуюць у Літве (36,9%).
За паўгода працэнт такіх спецыялістаў скараціўся ва ўсіх лакацыях. Айцішнікі, якія жывуць у Грузіі, па выніках мінулага анкетавання таксама лідзіравалі паводле долі станоўчых адказаў, але іх было больш — 58,3%. У Літве таксама было больш задаволеных заробкам — 43,4%.
Што тычыцца айцішнікаў, якія працуюць у Беларусі, то сваімі даходамі задаволены толькі 41%. Паўгода таму іх было 50%+.
Читать на dev.by