У лістападзе 2024 года колькасць новых артыкулаў у інтэрнэце, згенераваных ШІ, упершыню ненадоўга перавысіла колькасць тых, што напісаны чалавекам. З таго часу іх доля застаецца прыкладна роўнай і, паводле апошніх дадзеных, роўная 52% і 48% адпаведна. Аб гэтым піша Axios са спасылкай на аналітыкаў кампаніі Graphite, якая займаецца пошукавай аптымізацыяй.
У лістападзе 2024 года колькасць новых артыкулаў у інтэрнэце, згенераваных ШІ, упершыню ненадоўга перавысіла колькасць тых, што напісаны чалавекам. З таго часу іх доля застаецца прыкладна роўнай і, паводле апошніх дадзеных, роўная 52% і 48% адпаведна. Аб гэтым піша Axios са спасылкай на аналітыкаў кампаніі Graphite, якая займаецца пошукавай аптымізацыяй.
Яны вывучылі 65 тысяч URL, якія з’явіліся з 2020 года па май 2025-га. Згенераванымі лічыліся матэрыялы, якія мінімум на 50% былі напісаны ШІ. Колькасць такіх артыкулаў рэзка пайшла ўгору ў 2023 годзе, пасля рэлізу ChatGPT.
Пры гэтым адзначаецца, што пошукавыя сістэмы ў выдачы і чат-боты ў адказах аддаюць прыярытэт кантэнту, які створаны людзьмі. Так, чалавекам напісаны 86% артыкулаў, якія выдае Google, і толькі 14% — ШІ. А калі сінтэтычныя артыкулы і прабіваюцца ў выдачу, то ранжыруюцца ніжэй чалавечых. 82% артыкулаў, якія цытуюць ChatGPT і Perplexity, створаны чалавекам, аўтарства астатніх 18% належыць ШІ.
Даследчыкі прызнаюць, што дакладна падлічыць колькасць ШІ-кантэнту складана з-за абмежаванняў сённяшніх інструментаў і разыходжанняў у тым, што лічыць чалавечым і ШІ-кантэнтам. Паводле іх словаў, гаворка ідзе, хутчэй, аб сімбіёзе, чым аб дакладным падзеле на адно і другое.
Таксама ў Graphite адзначаюць, што некаторыя выданні, чые артыкулы, меркавана, напісаны чалавекам і схаваны за пэйволам, забараняюць спецыялізаваным інструментам індэксаваць свае старонкі. То бок на самай справе чалавечага кантэнту можа быць значна больш, чым вынікае з сабраных дадзеных.
Релоцировались? Теперь вы можете комментировать без верификации аккаунта.