Аплікацыя упершыню сутыкнулася з запавольваннем росту запамповак і зніжэннем актыўнасці карыстальнікаў. Пра гэта сведчаць дадзеныя аналітычнай кампаніі Apptopia, якая вывучыла сусветныя паказчыкі спампоўкі і штодзённай аўдыторыі.
Аплікацыя упершыню сутыкнулася з запавольваннем росту запамповак і зніжэннем актыўнасці карыстальнікаў. Пра гэта сведчаць дадзеныя аналітычнай кампаніі Apptopia, якая вывучыла сусветныя паказчыкі спампоўкі і штодзённай аўдыторыі.
Паводле справаздачы, тэмпы прыросту новых запамповак пачалі зніжацца пасля красавіка 2025 года. У кастрычніку, па папярэдніх дадзеных, колькасць усталяванняў упадзе на 8,1% у параўнанні з папярэднім месяцам. Пры гэтым гаворка ідзе не пра агульную колькасць спампоўкі: аплікацыю па-ранейшаму ўсталёўваюць мільёны разоў у дзень, але тэмпы росту стабілізаваліся.
Аналітыкі адзначаюць, што карыстальнікі сталі праводзіць менш часу ўнутры аплікацыі: у ЗША сярэдні час выкарыстання ChatGPT скараціўся на 22,5% з ліпеня, а колькасць сесій на аднаго карыстальніка — на 20,7%. Гэта значыць, што амерыканцы не толькі радзей адкрываюць ChatGPT, але і хутчэй завяршаюць узаемадзеянне з ім.
Пры гэтым узровень адтоку карыстальнікаў у ЗША знізіўся і стабілізаваўся, што кажа пра фарміраванне ядра пастаяннай аўдыторыі. Многія перасталі выкарыстоўваць ChatGPT з цікаўнасці і цяпер звяртаюцца да яго толькі пры неабходнасці.
Эксперты звязваюць спад актыўнасці з некалькімі фактарамі. Сярод іх — рост канкурэнцыі з боку Google Gemini, а таксама абнаўленні саміх мадэляў OpenAI. Вясной распрацоўшчыкі змянілі паводзіны мадэлі, зрабіўшы яе менш «паслужлівай», а пасля выхаду GPT-5 у жніўні частка карыстальнікаў адзначыла, што асістэнт стаў менш «жывым» у зносінах.
Тым не менш аналітыкі лічаць, што асноўная прычына — натуральнае заканчэнне «фазы эксперыментаў». ChatGPT перастае быць сенсацыяй і ператвараецца ў звыклы інструмент, як пашукавік ці нататкі. Цяпер OpenAI давядзецца стымуляваць рост з дапамогай новых функцый ці маркетынгавых кампаній — спадзявацца толькі на эфект навізны больш не атрымаецца.
Рэлацыраваліся? Цяпер вы можаце каментаваць без верыфікацыі акаўнта.
Gemini Джиминай совсем дурной. Наигрались в генеративный ИИ.