Польшча стала выдаваць у разы менш віз PBH пры канцы 2023

Колькасць віз, якія выдаюцца Польшчай «Poland.Business Harbour» скарачаецца з кожным кварталам, заўважыў Dzik Pic. Пра гэта сведчыць статыстыка МЗС, піша DGP. Так,

— у I квартале 2023 года было выдадзена 15,1 тыс. віз;

— у II квартале — 6,5 тыс.

— у III квартале — 4,8 тыс.

— у IV квартале — 1,6 тыс.

Эксперты называюць гэта наступствам «візавага скандалу», праз які сталі больш жорсткімі праверкі прэтэндэнтаў і павялічылася колькасць адмоў. 

«У сувязі з сумневамі адносна атрымання працы і знаходжання на тэрыторыі Рэспублікі Польшча замежнікаў, якія з’яўляюцца ўдзельнікамі праграмы „Poland.Business Harbour“, а таксама ў кантэксце шырокіх праверачных працэдур у МЗС, прыпыненая перадача візавых рэкамендацый у Польскае агенцтва інвестыцый і гандлю (PAIH), у консульствы Рэспублікі Польшча», — прыводзіць словы прэс-сакратар польскага МЗС DGP.

Візавы скандал разгарэўся на фоне перадвыбарнай кампаніі пры канцы лета 2023 года. Польскія медыя пісалі пра ўдзел у ім МЗС краіны і індыйскай кампаніі VFS Global, праз сайт якой праходзіла рэгістрацыя слотаў на польскія візы. Перш за ўсё аферы шукалі ў краінах Афрыкі і Блізкага Усходу, але Беларусь таксама аказалася ў справе.

Дэпутаты «Грамадзянскай кааліцыі» адразу пасля выбараў прама выказаліся супраць праграмы PBH. Яны перажываюць, што айцішнікі, якія атрымалі візы, не працуюць у ІТ або — яшчэ горш — працуюць над урадавымі заказамі.

А пазней Rzeczpospolita апублікавала статыстыку, згодна з якой ад 2020 года да 30 верасня 2023 года МЗС Польшчы выдала 93 512 віз РВН (з іх 88 529 — беларусам), аднак заехалі ў Польшчу па іх толькі 13,5 тыс. чалавек.

Адначасова айцішнікі сталі расказваць пра масавыя адмовы ў PBH. Тыповыя матывіроўкі адмовы: не абгрунтаваныя мэта або ўмовы меркаванага знаходжання. Зрэшты, некаторыя айцішнікі падаюць апеляцыі і атрымліваюць візы.

Чытачы! Мы перажылі яшчэ адзін складаны год. У 2023 наша каманда працягвала сачыць за беларускім ІТ і трымала вас у курсе самага важнага.

Без вас у нас бы не атрымалася! Вы дзеліцеся з намі досведам і інсайдамі, расказваеце гісторыі, смешныя і сумныя, ствараеце дыскусіі — робіце ўсё, каб беларускае ІТ працягвала жыць нягледзячы на межы і адлегласці. dev.by быў і застаецца месцам сустрэчы нашых чытачоў, дзе б яны не знаходзіліся. 

Мы працягваем працаваць, у тым ліку дзякуючы вам. Сёлета нам заданацілі 678 чалавек. Гэта неверагодна кранальна і значна дапамагае нам працаваць далей і верыць у будучыню dev.by. Але нам усё яшчэ патрэбная падтрымка. Вашыя данаты дапамагаюць выплачваць заробкі журналістам.

Даб’ём да 700? Падтрымайце нас:

— Праз Patreon
— Праз Donorbox (калі вы ў Беларусі)
— Крыптой, тут гаманцы.

Дзякуй. З Новым годам!