Польшча ўвяла беставарны выезд у Беларусь? Усё дзіўна
У памежных чатах пішуць, што ад 4 ліпеня выезд з Польшчы — без тавараў, заўважыў Dzik Pic. Па ідэі, новыя санкцыі не павінны тычыцца тавараў для асабістага карыстання, але на практыцы ўсё інакш?
Вось што сказана ў адным з чатаў, прысвечаных пераходу ў Брэсце-Тэрэспалі: «Ад 4 ліпеня беставарны выезд з Польшчы. Мытня ў Тэрэспалі больш не пацвярджае tax-free. На зялёным канале ў машын правяраюць вываз тавару (тэхніка, запчасткі). Нават без афармлення tax-free не прапускаюць. Можна везці: прадукты харчавання, лекі з аптэкі, каву, парашок».
Пры гэтым спасылаюцца на пастанову ЕС 2024/1865 ад 29.06.2024. Калі дакладней, то на артыкул 1bb. Поўны пералік тавараў шукайце пачынаючы ад 181-й старонкі (і да 259-й, дзе дадатак XXVIII).
Раней у польскіх СМІ пісалі, што «пакет новых санкцый закранае розныя галіны беларускай эканомікі і ўводзіць палажэнні, закліканыя не дапусціць абыходу абмежаванняў, раней уведзеных ЕС у дачыненні да Расіі».
Новыя санкцыі ўключаюць сярод іншага: забарону на экспарт у Беларусь усіх тэхналогій падвойнага прызначэння і ўвод дадатковых абмежаванняў на экспарт тавараў, якія маглі б «спрыяць павелічэнню прамысловага патэнцыялу Беларусі».
Спіс доўгі. Але забарона не павінна датычыцца тавараў для асабістых патрэб. Што адбываецца насамрэч, пакуль не вельмі зразумела.
А вось што расказваюць удзельнікі чатаў, якія стаяць на мяжы:
Расклад такі. Па зялёным паралельна мне людзі праязджалі з таварам (машыны). Прыязджаеш на «ватны» (ад слова VAT), мытня правярае, што вязеш, і вяртае назад у Польшчу. Ужо хвілін 15-20 па зялёным ніхто не едзе. Складана сказаць, ці будуць далей з таварам прапускаць па зялёным.
Я на разварот. Мытня кажа, што нічога няможна. Паводле іх слоў, мытня павінна адбіць VAT, адправіць на кантроль і выклікаць паліцыю. І тыпу яны робяць добрую справу, што проста вяртаюць — без паліцыі і штрафу.
Тавар пад поўнай забаронай на вываз, нават калі без VAT.
Правяраюць кожную <машыну > цяпер, на зялёным шманаюць на ўсю моц на выезд.
Новая змена сказала: 14-ы пакет санкцый, беставарны выезд. Назад у РП разгортваюць усіх. Там спіс на 200+ аркушаў, толькі пару найменняў прахадных.
Галоўнае, што сябе пакуль яшчэ можна правезці.
Wanted. Калі вы праходзіце/прайшлі сёння мяжу з Польшчай, пішыце, калі ласка, нам у @devby_insight_bot. Гэта ананімна.
Читать на dev.by