Польшча дапаможа беларусам з часовым дазволам на жыхарства, якія згубілі пашпарт (або ён пратэрмінаваны)
Грамадзянам Беларусі абяцаюць вырабіць праязны дакумент (dokument podróży) — альтэрнатыва пашпарту для выезду за мяжу. Працэдура яго атрымання моцна спросціцца ад 1 чэрвеня.
Раней гэтая опцыя была даступная толькі з пастаянным дазволам на жыхарства (або на гуманітарных падставах), цяпер — па сутнасці, усім ахвотным, якія ўжо маюць дазвол на часовае пражыванне.
У Польшчы падрыхтаваны законапраект, які дае права замежнікам, што пражываюць у краіне і не маюць сапраўднага пашпарта (згублены, сапсаваны, скончыўся тэрмін дзеяння), ад 1 чэрвеня афармляць праязны дакумент.
Для гэтага іншаземец мусіць пражываць у Польшчы на адной з наступных падстаў:
— часовы дазвол на жыхарства (уключна з гуманітарным);
— сталы дазвол на жыхарства (уключна з картай доўгатэрміновага рэзідэнта ЕС);
— дадатковая абарона.
Спіс краін, грамадзяне якіх змогуць аформіць праязныя дакументы, абяцаюць апублікаваць пры канцы красавіка асобным распараджэннем кіраўніка МУС.
Але ўжо ёсць падставы меркаваць, што ў ім апынецца Беларусь. Так, намеснік кіраўніка МУС РП Барташ Градзецкі заявіў, што ад 1 чэрвеня грамадзяне РБ, якія пражываюць у Польшчы, змогуць па спрошчанай працэдуры і бясплатна аформіць праязны дакумент. Пра гэта піша pap.pl.
Праязны дакумент выдаецца тэрмінам на 1 год, звычайная цана яго афармлення — 350 злотых.
Але рэч нават не ў грошах. Цяпер грамадзяне Беларусі, якія маюць часовы дазвол на жыхарства, не могуць прэтэндаваць на праязны дакумент. Новы закон значна спросціць жыццё тым з іх, хто не можа вярнуцца дадому/трапіць у консульства для замены пашпарта.
Читать на dev.by