Амбасада Італіі ў Беларусі праверыць мэтавае выкарыстанне выдадзеных віз

Як заявілі ў амбасадзе, атрыманне італьянскай шэнгенскай візы прадугледжвае, што галоўнай краінай прызначэння з’яўляецца Італія. Гэта не выключае транзіту або знаходжання ў іншых краінах шэнгенскай зоны.

Пры паўторным звароце па візу заяўнікі павінны будуць паказаць сведчанні ранейшых паездак у Італію.

Гэта могуць быць:

• Аплачанае пражыванне ў Італіі з указаннем прозвішчаў і дат.
• Аплачаныя квіткі ў Італію або пасадачны талон.
• Імянныя чэкі на выдаткі ў Італіі (сума аднаго не меншая за 50 еўра).
• Выпіска з банкаўскага рахунку, якая адлюстроўвае выдаткі ў Італіі.
• Сумесныя фатаграфіі — для заяўнікаў па запрашэнні грамадзян Італіі.

У пасольстве звярнулі ўвагу, што «паказаныя вышэй матэрыялы не ўваходзяць у абавязковы пакет дакументаў, але могуць выявіцца карыснымі для рашэння пра выдачу візы».