Кіраўнік Anthropic Дарыё Амадэй заявіў, што кампанія ніколі не заклікала забараняць мадэлі з адкрытымі вагамі. Так ён адказаў на крытыку з боку ШІ-індустрыі, дзе Anthropic западозрылі ў спробе абмежаваць канкурэнтаў і абараніць бізнес Claude.
Кіраўнік Anthropic Дарыё Амадэй заявіў, што кампанія ніколі не заклікала забараняць мадэлі з адкрытымі вагамі. Так ён адказаў на крытыку з боку ШІ-індустрыі, дзе Anthropic западозрылі ў спробе абмежаваць канкурэнтаў і абараніць бізнес Claude.
«Дазвольце заявіць крайне ясна, каб не засталося ніякіх сумненняў: Anthropic ніколі не выступала за забарону мадэляў з адкрытымі вагамі», — напісаў Амадэй.
Ягоная заява паследавала за адкрытым лістом Nvidia, Microsoft, Meta, Palantir, Hugging Face і яшчэ больш за 20 кампаній. Яны заклікалі ўлады ЗША не ўводзіць заўчасныя абмежаванні, якія могуць аслабіць канкурэнцыю і выціснуць інавацыі за межы краіны. Anthropic ліст не падпісала.
Амадэй пагадзіўся, што адкрытыя мадэлі пашыраюць доступ да ШІ, даюць карыстальнікам больш кантролю і ўзмацняюць канкурэнцыю. Паводле яго, сістэмы, якія не валодаюць небяспечнымі магчымасцямі, варта лічыць грамадскім дабром.
«Яны не патрабуюць ніякіх выдаткаў, акрамя вылічальных рэсурсаў для запуску, і прыносяць карысць бізнесу, распрацоўшчыкам і даследчыкам», — заявіў кіраўнік Anthropic.
Пры гэтым ён лічыць, што магутныя мадэлі з адкрытымі вагамі могуць быць небяспечнейшымі за закрытыя: пасля публікацыі іх немагчыма адклікаць, а зрабіць абмежаванні на выкарыстанне або сачыць за дзеяннямі карыстальнікаў значна складаней.
Аднак забараняць такія мадэлі амерыканскім кампаніям, на думку Амадэя, было б бессэнсоўна. «Пратэкцыянісцкія забароны не вырашаць найбольш сур’ёзныя праблемы нацыянальнай бяспекі», — падкрэсліў ён.
Галоўнай пагрозай Амадэй назваў магчымасць таго, што аўтарытарныя дзяржавы створаць больш магутны ШІ і выкарыстаюць яго для дасягнення ваеннай перавагі або масавага сачэння. Найбольш здольнай на гэта краінай ён лічыць Кітай.
Замест забароны адкрытых мадэляў кіраўнік Anthropic прапанаваў абмяжоўваць пастаўкі перадавых чыпаў і абсталявання ў Кітай, змагацца з іх кантрабандай, а таксама спыняць прамысловую дыстыляцыю — масавае навучанне мадэляў на адказах закрытых сістэм.
«Дыстыляцыя можа наблізіць кітайскі тэхналагічны фронтыр да амерыканскага на адлегласць усяго некалькіх месяцаў», — папярэдзіў Амадэй. Anthropic раней абвінаваціла кітайскія кампаніі ў масавым выкарыстанні адказаў Claude. У прыватнасці, распрацоўшчыка Qwen — Alibaba — кампанія назвала арганізатарам найбуйнейшай з вядомых атак такога роду.
Рэлацыраваліся? Цяпер вы можаце каментаваць без верыфікацыі акаўнта.