Папулярная праграма для запісу экрана на Android шпіёніла за карыстальнікамі

Паводле даных TechCrunch, праграма iRecoder — Screen Recoder паспела набраць больш за 50 тысяч загрузак перад тым, як яе прыбралі з крамы праграм. Пасля з’яўлення ў Google Play праграма пачала красці запісы з мікрафона і дакументы з прылад.

Шкодны код AhRat непрыкметна выгружаў хвілінны аўдыёзапіс з мікрафона прылад кожныя 15 хвілін, а таксама выдаляў дакументы, вэб-старонкі і медыяфайлы з прылады карыстальніка.

Код з’яўляецца адаптаванай версіяй траяна аддаленага доступу AhMyth. Такія траяны здольныя выкарыстоўваць шырокі доступ да прылады ахвяры і часта могуць уключаць аддаленае кіраванне. Паводле слоў даследчыка бяспекі Лукаса Стэфанко, пры першай публікацыі праграма не ўтрымлівала шкодных функцый.