Прыёрбанк кратна павялічвае мінімальную камісію за залічэнне свіфтаў. Яна з'есць перавод у 60 долар долараў

Так, ад 27 студзеня пры залічэнні свіфт-пераводу ў доларах камісія складзе:

— да 60 USD — 3%;

— звыш 60 USD (уключна) — 3%, мінімум 200 BYN.

Пры залічэнні свіфт-пераводу ў еўра:

— да 35 EUR — 3%;

— звыш 35 EUR (уключна) — 3%, мінімум 120 BYN.

Гэта значыць, што калі на ваш рахунак пералічаць 60 долараў, то камісія з’есць практычна ўсё. У сацсетках карыстальнікі абмяркоўваюць вось такія разлікі (відаць, з перапіскі ў чат-боце банка): 60 USD х 3,375 (курс долара) — 200 BYN= 2,5 BYN.

Іншымі словамі, каб камісія захавалася на ўзроўні 3%, трэба, каб сума пераводу была не меншая за 2000 долараў (3% ад гэтай сумы — якраз 60 долараў, або каля 200 BYN).  Або менш за 60 долараў.

Аналагічна камісія з’ядае перавод у 35 еўра. Тарыф у 3% аднаўляецца пачынаючы ад сумы прыкладна ў 1170 еўра.

У каментарах карыстальнікі сацсетак тлумачаць адно аднаму, што гэта загараджальны тарыф, маўляў, «яго ўвялі не для таго, што атрымліваць гэтыя 200 BYN, а каб прыбраць кліентаў, у якіх 3% аказваюцца меншымі за 200 BYN».

«Яны лепш напісалі б, што выгадная мінімальная сума для пераводу — 2000$», — дадае хтосьці.

У цэлым, карыстальнікі прыходзяць да высновы, што Paysend у дадзеным выпадку карыснейшы.

Да 27 студзеня пры залічэнні swift-пераводаў у доларах і еўра яшчэ дзейнічаюць старыя тарыфы Прыёрбанка: 3%, мінімальная камісія — 15 BYN.

Звяртаем увагу, што гаворка ідзе менавіта пра міжнародныя свіфт-пераводы і не закранае картачных (P2P пераводы).