Прыёрбанк выкупляе дзяржпакет акцый за $53,7 млн
Прыёрбанк прыняў рашэнне выкупіць дзяржпакет акцый. Пра гэта піша «Про бизнес» са спасылкай на аднаго з акцыянераў банка.
Прыёрбанк прыняў рашэнне выкупіць дзяржпакет акцый. Пра гэта піша «Про бизнес» са спасылкай на аднаго з акцыянераў банка.
Рашэнне аб набыцці банкам уласных акцый, што знаходзяцца ў дзяржаўнай уласнасці, было прынята на пазачарговым агульным сходзе акцыянераў 28 мая. Аб’ём пакета, які падлягае выкупу, складае 7 765 977 простых акцый — гэта 6,31% у статутным фондзе Прыёрбанка. Пакет ацэнены ў 162 774 877,92 BYN (прыкладна $53,7 млн), або 20,96 рубля за акцыю. Паперы выкупляюцца па рынкавай вартасці па цане, вызначанай на падставе справаздачы пра незалежную ацэнку «Інстытута нерухомасці і ацэнкі», датаванай 20 мая.
Таксама акцыянеры вырашылі выкупіць 2220 прывілеяваных акцый банка, якія належаць дзяржаве, за 33 455,40 BYN, або 15,07 рубля за акцыю. Разлікі па угодзе плануецца правесці на працягу 10 працоўных дзён пасля заключэння дагавора куплі-продажу акцый.
Банк жадае набыць дзяржпакет акцый для «далейшага продажу інвестару на ўмовах, прадугледжаных бізнес-планам акцыянернага таварыства», патлумачыў крыніца выдання. Хто гэты інвестарне ўдакладняецца.
У 2019 годзе дзяржава сама хацела прадаць сваю долю ў Прыёрбанку. Інтарэс да пакупкі выказваў Еўрапейскі банк рэканструкцыі і развіцця. Тады дзяржпакет ацэньваўся ў €17 млн. Акрамя таго, у мінулым годзе інвестыцыйная кампанія Soven 1 Holding Limited з ААЭ набыла долю ў 87,74% акцый Прыёрбанка ў аўстрыйскага Raiffeisen Bank International.
Raiffeisen прадаў Прыёрбанк з «экстрэмальным» дысконтам
Raiffeisen прадаў Прыёрбанк з «экстрэмальным» дысконтам
«Прыёрбанк» увёў суперкамісію па валютных рахунках — амаль $4K у месяц
«Прыёрбанк» увёў суперкамісію па валютных рахунках — амаль $4K у месяц
Рэлацыраваліся? Цяпер вы можаце каментаваць без верыфікацыі акаўнта.