Праблемы з PayPal у беларусаў могуць працягнуцца яшчэ больш за месяц
На мінулым тыдні чытачы Onliner пачалі масава паведамляць пра праблемы PayPal у Беларусі — перасталі прывязвацца карткі да акаўнтаў і не праходзяць транзакцыі, у некаторых плацяжы праходзяць, але не ўсюды, у некаторых з’яўляецца паведамленне, што тэрмін дзеяння яшчэ актыўных карт скончыўся. У тэхпадтрымцы банкаў пра прычыны збояў нічога не ведаюць, у PayPal афіцыйна сітуацыю не каментавалі, але ў падтрымцы сэрвісу прызналі праблему.
На мінулым тыдні чытачы Onliner пачалі масава паведамляць пра праблемы PayPal у Беларусі — перасталі прывязвацца карткі да акаўнтаў і не праходзяць транзакцыі, у некаторых плацяжы праходзяць, але не ўсюды, у некаторых з’яўляецца паведамленне, што тэрмін дзеяння яшчэ актыўных карт скончыўся. У тэхпадтрымцы банкаў пра прычыны збояў нічога не ведаюць, у PayPal афіцыйна сітуацыю не каментавалі, але ў падтрымцы сэрвісу прызналі праблему.
«Прашу прабачэння за нязручнасці, звязаныя з адхіленнем плацяжу. У цяперашні час у карыстальнікаў з Беларусі сапраўды назіраецца праблема, з-за якой карткі адхіляюцца пры спробах аплаты ці пераводу сродкаў. Гэтае пытанне было перададзена нашай тэхнічнай камандзе на разгляд пад нумарам звароту CSTS0084775. Я дадала вашу інфармацыю да гэтага тыкета», — адказалі там аднаму з карыстальнікаў. Там дадалі, што тэрміны вырашэння пытання назваць не могуць, і папрасілі аплачваць тэрміновыя пакупкі іншымі спосабамі.
Onliner адзначае, што праблемы зафіксаваны не толькі ў Беларусі. Адзін карыстальнік знаходзіцца ў Іспаніі, да PayPal у яго прывязана іспанская картка і картка Revolut. «Плацяжы не праходзяць ні з адной з дзвюх картак. Дакладней, плацёж праходзіць, PayPal піша, што ўсё паспяхова, але насамрэч грошы з карткі не спісваюцца і да атрымальніка яны не даходзяць. Так што праблема не толькі ў Беларусі», — паведамляе ён.
Праблема ўзнікла не ва ўсіх банкаў. Напрыклад, у БСБ усё добра: «Мы не заўважылі збояў у верыфікацыі транзакцый пры ўзаемадзеянні нашых кліентаў з плацежным сэрвісам PayPal. Карткі БСБ Банка працуюць у штатным рэжыме», — пракаментавалі ў прэс-службе банка.
З пацярпелых наконт зваротаў кліентаў пакуль адпісаўся толькі «МТБанк». Там прызналі, што аперацыі па картках праз PayPal могуць быць недаступныя ці адхіляцца. Але падкрэслілі, што праблемы не толькі ў іх, але і ў іншых банкаў і што працуюць з плацежнымі сістэмамі над вырашэннем.
Яшчэ аднаму чытачу выдання ў падтрымцы PayPal пацвердзілі, што праблема сапраўды ёсць у часткі карыстальнікаў з Беларусі і ўжо знаходзіцца на разглядзе тэхнічнага аддзела. Чаканы тэрмін вырашэння праблемы — 6 кастрычніка. Да гэтага часу кліентам рэкамендуюць карыстацца альтэрнатыўнымі спосабамі аплаты.
«Пасля праверкі ўсталявана, што ў нас ужо адкрыты зварот у падтрымку (нумар CSTS0085136), які тычыцца праблемы, пры якой некаторыя карыстальнікі ў Беларусі не могуць адпраўляць грошы ці здзяйсняць анлайн-пакупкі з дапамогай прывязаных да акаўнта картак. Апошняя інфармацыя ад нашай тэхнічнай падтрымкі: чаканы тэрмін вырашэння гэтай праблемы ўсталяваны на 6 кастрычніка 2025 года. Прыносім прабачэнні за нязручнасці. Калі ласка, разгледзьце магчымасць выкарыстання іншага спосабу аплаты на дадзены момант. Запэўніваем вас: наша каманда актыўна працуе над выпраўленнем праблемы і вы атрымаеце апавяшчэнне па электроннай пошце, як толькі яна будзе вырашана», — гаворыцца ў паведамленні сэрвісу.
Рэлацыраваліся? Цяпер вы можаце каментаваць без верыфікацыі акаўнта.