«Прывітанне ўсім! У нас новы дом». VK пашырыў офіс у Мінску

Цяпер прадстаўніцтва VK размешчана ў бізнес-цэнтры «Аякс».

«Прадумалі для калег камфортныя працоўныя прасторы і каворкінг-зоны, а перагаворныя назвалі па-беларуску — напрыклад, «Родны кут», «Сонейка», «Каханне», — адзначаецца ў пасце.

Па плошчы новы офіс займае 831 кв. м. Ён выкананы ў стылі хай-тэк. Сюды пераехалі супрацоўнікі «УКантакце», «Дзена», «Аднакласнікаў» і VK Tech. Пераезд звязаны з ростам штату і накіраваны на стварэнне ўмоў для працы і развіцця супрацоўнікаў холдынгу ў Беларусі, распавялі ў прэс-службе кампаніі «Ведамасцям».

Там таксама сказалі, што менш чым за два гады з моманту адкрыцця прадстаўніцтва VK у Беларусі мясцовы штат павялічыўся ў 4,5 разы. «Мы маштабуем інфраструктуру, інвестуючы ў камфорт і эфектыўнасць працы калектыву», — патлумачылі ў кампаніі.