Сеньёры ўсё больш запатрабаваныя. ПВТ ацаніў уплыў AI на рынак працы і ключавыя спецыяльнасці
Выйшаў новы электронны даведнік «ІТ-абітурыент 2025».
Выйшаў новы электронны даведнік «ІТ-абітурыент 2025».
Прадстаўнікі адміністрацыі ПВТ падзяліліся экспертным меркаваннем пра трэнды у ІТ, надаўшы асноўную ўвагу ўплыву ШІ на індустрыю.
Сярод іншага упершыню з моманту выхаду першага даведніка (у 2019 годзе) ПВТ не стаў прыцягваць прадстаўнікоў ІТ-кампаній для аналізу сітуацыі ў галіне і ацэнак перспектыў індустрыі. У папярэдніх даведніках экспертным меркаваннем дзяліліся iТесhArt Group, Innowise, Aston, LeverX, «Гейм Стрим», EPAM і іншыя.
Даведнік падрыхтаваны аддзелам адукацыйнай дзейнасці сакратарыята Набсавета Парка высокіх тэхналогій. Гэта ўжо сёмы даведнік.
Першы быў апублікаваны ў 2019, другі ў 2020, трэці ў 2021, чацвёрты ў 2022, пяты ў 2023, шосты ў 2024 годзе.
У новым даведніку ўтрымліваецца інфармацыя аб трэндах у ІТ-індустрыі, перш за ўсё, аб трансфармацыі галіны пад уплывам AI, а таксама аб запатрабаванасці тых ці іншых спецыялістаў у новых умовах.
Таксама ў выданні, як заўсёды, сабрана падрабязная інфармацыя аб ВНУ і факультэтах, якія навучаюць ІТ-спецыяльнасцям, а таксама планах прыёму на 2025 год, праходных балах па кожнай спецыяльнасці і кошце платнага навучання.
Развіццё ШІ-тэхналогій
Складальнікі даведніка звяртаюць увагу на хуткасць развіцця ШІ-тэхналогій. На іх думку, менавіта гэты фактар павінны перш за ўсё ўлічваць тыя, хто выбірае сёння ІТ-спецыяльнасці.
У пацвярджэнне аўтары прыводзяць выказванні кіраўнікоў ІТ-карпарацый.
Па ацэнках гендырэктара OpenAI Сэма Альтмана, у многіх кампаніях ШІ ўжо зараз удзельнічае ў напісанні больш за 50% праграмнага кода. Ён таксама мяркуе, што да канца 2025 года працэс напісання кода кардынальна зменіцца. Гендырэктар Microsoft Сацья Надэла заявіў, што ў іх кампаніі штучны інтэлект ужо піша 30% кода. Па словах Марка Цукерберга, Meta плануе давесці гэты паказчык да 50% да наступнага года.
Аўтары канстатуюць, што пад уплывам ШІ трансфармуюцца не толькі буйныя карпарацыі, але і стартапы. У патоку Y Combinator (амерыканскі бізнес-акселератар і венчурны фонд) Winter 2025 года прыкладна чвэрць (25%) стартапаў стварылі свае прадукты, выкарыстоўваючы кодавыя базы, на 95% згенераваныя штучным інтэлектам.
Vibe coding
Апісваючы тэндэнцыі ў ІТ ва ўмовах развіцця ШІ-тэхналогій, аўтары не выключаюць, што кадаваць з дапамогай штучнага інтэлекту будуць не толькі праграмісты.
«З распаўсюджваннем магутных ШІ-асістэнтаў нараджаецца новы падыход да стварэння праграмнага забеспячэння — „вайб-кодынг“ (vibe coding)… Гэта робіць працэс праграмавання даступным для самага шырокага кола людзей», — падкрэсліваюць складальнікі даведніка.
На іх думку, адной з галоўных пераваг з’яўляецца зніжэнне парога ўваходу ў праграмаванне. Аднак, аўтары ўказваюць і на абмежаванні.
«Якасць згенераванага ШІ кода пакуль не заўсёды аптымальная і часта патрабуе дапрацоўкі. Адладка такога кода можа быць складанай, таксама існуюць рызыкі бяспекі і праблемы з падтрымкай у доўгатэрміновай перспектыве.
Вайб-кодынг на дадзеным этапе ўяўляецца хутчэй магутным інструментам для прататыпіравання, чым поўнай заменай традыцыйнай інжынернай дысцыпліне».
Сеньёры супраць джуноў
Па словах аўтараў, пад уплывам ШІ змяняецца ў цэлым рынак працы і попыт на спецыялістаў. У прыватнасці, расце попыт на дасведчаных спецыялістаў (senior developers), здольных кіраваць працэсамі з удзелам ШІ.
«Адзін такі спецыяліст з падтрымкай ШІ можа выконваць аб’ём працы, які раней патрабаваў невялікай каманды. Дадзеныя паказваюць рост долі вакансій, якія патрабуюць 7 і больш гадоў досведу», — адзначаюць складальнікі даведніка.
У той жа час, па іх ацэнках, з’яўляюцца прыкметы патэнцыйнага зніжэння попыту на джуноў-распрацоўшчыкаў, «паколькі задачы, якія традыцыйна служылі „уваходным білетам“ у прафесію, усё часцей аўтаматызуюцца ШІ».
Аднак, аўтары не вераць у тое, што кампаніі ўвогуле перастануць наймаць джунаў. Яны мяркуюць, што роля джуна трансфармуецца. «У прыватнасці, спатрэбіцца кантроль якасці ШІ-згенераванага кода, тэставанне ШІ-сістэм, падрыхтоўка дадзеных і выкарыстанне ШІ для паскоранага навучання».
У цэлым на фоне імклівага ўкаранення ШІ назіраецца бум попыту на спецыялістаў, якія валодаюць кампетэнцыямі ў гэтай галіне, канстатуюць складальнікі даведніка.
Так, па дадзеных LinkedIn, колькасць вакансій, звязаных з ШІ, з 2020 па 2024 год вырасла на 38%. Сусветны эканамічны форум называе спецыялістаў па ШІ і машыннаму навучанню самай хуткарослай прафесійнай групай.
«Запатрабаваны інжынеры па машыннаму навучанню, навукоўцы па дадзеных, ШІ-даследчыкі, распрацоўшчыкі ПЗ з ШІ-навыкамі, менеджары ШІ-прадуктаў. З’яўляюцца і новыя ролі, такія як інжынеры ШІ-агентаў, архітэктары ШІ-рашэнняў, промпт-інжынеры, спецыялісты па этыцы і бяспецы ШІ».
Пры гэтым, па словах аўтараў, узрастае значнасць навыкаў забеспячэння якасці і бяспекі, паколькі ШІ-код можа ўтрымліваць памылкі або ўразлівасці.
«ШІ не заменіць людзей цалкам. Ён выступае хутчэй як інструмент-узмацняльнік, які павышае прадуктыўнасць і вызваляе чалавека для больш складаных і творчых задач», — падкрэсліваюць аўтары.
Уплыў ШІ на ІТ-спецыяльнасці
Таксама складальнікі даведніка спрагназавалі ўплыў ШІ на розныя ІТ-спецыяльнасці.
Тэсцеры і QA Engineers
«Роля тэсціроўшчыка і QA-інжынера будзе зрушвацца ад ручнога выканання тэстаў да распрацоўкі і падтрымкі ШІ-інструментаў для тэставання, аналізу больш складаных сцэнарыяў, забеспячэння якасці саміх ШІ-сістэм.
Спатрэбяцца навыкі ў галіне аналізу дадзеных, разуменне прынцыпаў працы ШІ для эфектыўнага выкарыстання новых інструментаў і інтэрпрэтацыі іх вынікаў».
Business Analysts
«Роля аналітыкаў стане больш стратэгічнай. Ім трэба будзе не проста збіраць патрабаванні, а глыбока разумець бізнес-кантэкст, выяўляць схаваныя патрэбы і фармуляваць задачы для ШІ-сістэм.
Навыкі камунікацыі, крытычнага мыслення, уменне працаваць з ШІ-інструментамі для аналізу дадзеных і інтэрпрэтацыі іх вынікаў, а таксама здольнасць «перакладаць» бізнес-задачы на мову, зразумелую распрацоўшчыкам (у тым ліку ШІ-распрацоўшчыкам), стануць яшчэ больш запатрабаванымі».
Data Scientists, Data Analysts, Data Engineers
«Попыт на гэтых спецыялістаў будзе толькі расці. Аднак ім спатрэбіцца пастаянна асвойваць новыя ШІ-алгарытмы, платформы і інструменты.
Узмоцніцца патрэба ў спецыялістах, здольных не толькі ўжываць гатовыя мадэлі, але і разумець іх абмежаванні, інтэрпрэтаваць вынікі, забяспечваць этычнасць і справядлівасць ШІ-рашэнняў, а таксама распрацоўваць новыя, больш дасканалыя мадэлі. Інжынерам дадзеных давядзецца працаваць з усё больш складанымі і аб’ёмнымі патокамі дадзеных, неабходных для навучання ШІ».
Вэб-дызайнеры і UI/UX-дызайнеры
«Дызайнеры будуць больш фокусавацца на разуменні глыбінных патрэб карыстальнікаў, стварэнні унікальнага карыстальніцкага досведу, эмпатыі, крэатыўнасці і стратэгічным бачанні прадукта».
DevOps-інжынеры і Cloud Engineers
«Верагодна, роля гэтых спецыялістаў будзе ўключаць кіраванне ўсё больш складанымі і дынамічнымі сістэмамі, у тым ліку тымі, якія падтрымліваюць ШІ-аплікацы. Спатрэбяцца навыкі працы з ШІ-інструментамі для кіравання інфраструктурай (AIOps)».
Як ПВТ пачуваецца ў 2025: айцішнікаў і грошай больш, да аднаўлення яшчэ далёка
Як ПВТ пачуваецца ў 2025: айцішнікаў і грошай больш, да аднаўлення яшчэ далёка
«Без гэтага непрыстойна прыходзіць на рынак». Як у ПВТ укараняюць ШІ
«Без гэтага непрыстойна прыходзіць на рынак». Як у ПВТ укараняюць ШІ
«Ніхто не адмяняў традыцыйную любоў да радзімы». Новая кіраўніца ПВТ распавяла аб вяртанні ІТ-спецыялістаў, якія з’ехалі
«Ніхто не адмяняў традыцыйную любоў да радзімы». Новая кіраўніца ПВТ распавяла аб вяртанні ІТ-спецыялістаў, якія з’ехалі
Рэлацыраваліся? Цяпер вы можаце каментаваць без верыфікацыі акаўнта.